Danborra (Donostiako eraikina)

Danborra (Donostiako eraikina)
Irudi gehiago
Kokapena
Herrialdea	Euskal Herria
Probintzia	Gipuzkoa
Udalerria	Donostia
Koordenatuak	43°18′55″N 1°59′54″W
Historia eta erabilera
Irekiera	1874
Suntsipena	1889
Arkitektura
Dimentsioak	8,5 () × 7 () m

Danborra edo Antiguako Torreoia Donostian 19. mendean egon zen dorre militar bat izan zen, Loretopeko muinoan kokatua, Kontxako badiara begira. Bere formagatik (danborrarena) eman zion herriak izen informal hori.

Ezaugarriak

II. Karlistaldian Donostiako udal liberalak defentsa lan zenbait enkargatu zituen, eta horien artean 1874ko urrian erabaki zen dorre hau eraikitzea. 8.5 metro diametroko planta biribila zuen dorreak, eta 7 metro garai zen. 5 metro zabal eta 3 sakon zen lubanarro batek inguratzen zuen dorrea. Bi solairu eta terraza zituen, eta 30 soldadu bertan edukitzeko moduko eraikina zen. Hogei saietera zituzten hormek kanpora tiro egiteko.

1888ko irailean Udalak dorrea erabilpenik gabe hondatuta zegoela eta behera botatzea erabaki zuen. Hurrengo urtean egin zuten hori, obrak hasi baitziren han bertan Miramar jauregia eta tunela egiteko. Tunel zabala dagoen gainean zegoen dorre zaharra.

Ondarretatik panoramika, Loretopen Danborra ikusten dela, 19. mendeko azken laurdenean.

Kanpo estekak

• Datuak: Q124940675
• Multimedia: Danborra (Tower, Donostia-San Sebastián) / Q124940675