Dezimo Bruto

Wikipedia(e)tik
Hona jo: nabigazioa, Bilatu

Dezimo Bruto (latinez Decimus Junius Brutus Albinus) Erromako politikari eta militarra izan zen.

K. a. 45ean, Munda batailatik itzulitakoan, Dezimo Brutok Zesar hil nahi zuten konspiratzaileekin bat egin zuen. Halere, Zesarren konfidantza izaten jarraitu zuen. Izan ere testamentuan aipatu zuen Zesarrek. Are gehiago, Zesarrek pretor izendatu zuen, eta, hurrengo urterako, Galia Zisalpinako gobernari.

Martxoaren 15ean (Martxoaren idusean), Dezimo Brutok Senatura joateko komentzitu zuen Zesar. Horra zihoazela, Ponpeioren antzokian, Brutok eta gainerako konspiratzaileek eraso eta hil zuten.

Hiltzaileek hurrengo egunean amnistia jaso zuten, Marko Antoniok aginduta. Baina erromatar xumeek eta, batez ere, legioek, hiltzaileak zigortu nahi zituzten. Dezimo Bruto Galiara joan zen orduan, Erromako egoera ezengonkorretik urrun. Hor, K. a. 43an, bere kasa beste armada bat osatzen hasi zen. Honen aurrean, Senatuak erreklutatze hori bertan behera uzteko agindu zion. Ezezkoa jaso ondoren, Marko Antoniok eraso egin zion. Mazedonia aldera jo zuen orduan Dezimo Bruto, Marko Junio Bruto eta Gaio Kasio Longinorekin biltzeko. Nolanahi ere, haiengana iritsi baino lehen, Dezimo Bruto hil zuten.