Dyet
Dyet edo Uadye "sugea", Egiptoko I. dinastiako laugarren faraoia izan zen (K. a. 2927-K. a. 2914) (von Beckerath).
Manetonek Uenefes deitzen du eta 23 urteko erregealdia (Sexto Julio Afrikano) edo 42 urtekoa (Eusebio Zesareakoa) ematen dizkio. Eusebioren bertsio armeniarraren arabera, Vavenefisek 42 urteko erregealdia izan zuen.
Dyeten garaian, Merytneith izeneko pertsonaia bat bizi zen, Abidoseko bere hilobiagatik ezaguna. Ziuraski, Merytneith Dyer faraoiaren emaztea eta Dyet eta Denen ama zen. Honela, Merytneith erregeorde izango zen Dyeten erregealdiaren lehen zatian.
Manetonek, garai horretan, gosete handi batek Egipto suntsitu zuela dio.
Egiptotik kanpora espedizioak egin zituen, eta bere igaroaren arrastoak aurkitu dira Arabiar Basamortuan, Itsaso Gorrira daraman bidean.
Manetonek (Afrikano eta Eusebioren arabera) Kokometik gertu piramide batzuk eraikitzea agindu zuela dio, Saqqararekin identifikatu den herria.
Lurperatuta dagoen tokia, Z hilobia da, Umm el-Qaabeko nekropolian, Abidosen.
[aldatu] Bere garaiko lekukotzak
- Z hilobia Abidosen, erregearen hilobia eta erregearen gurtzarako hilobia
- V mastabako zigilu inpresioak Gizan (Petrie)
- 3504 hilobiko iskripzioak Saqqaran (Emery). Hilobia, Sejemka goi ofizialarena izan zitekeen, Dyet erregearen agindupean zerbitzatu zuena (Emery).
- Dyeten barrutiko 387 hilobi ordezkatzailearen kobrezko tresnak, Abidos.
- Bere izena, Umm el-Qaabeko T hilobian inprimatua aurkitu zen.
| Aurrekoa Dyer |
Faraoia Lehen Dinastia |
Ondorengoa Den |
