Ella baila sola
| Ella baila sola | |
|---|---|
.jpg) | |
| Jatorria | |
| Sorrera-urtea | 1996 |
| Jatorrizko herrialdea | Espainia |
| Ezaugarriak | |
| Genero artistikoa | pop musika |
| Diskoetxea | EMI |
    | |
Ella baila sola 1996tik 2001aren bukaerara arte aritu zen Espainiako emakumeen musika-bikotea da. Marilia Andrés eta Marta Botíak osatua. Berriz elkartu ziren 25. urteurrena zela eta. Aurretik Marta Botíak 2009tik 2013ra beste hiru saiakera egin zituen Rocío Pavon, Maria del Mar García eta Virginia Mosekin.
Bikotearen musika ekoizpen guztien salmenta kalkulatuak 5.000 ale izan ziren 2012ra arte, disko-salmenta handiena duten artista espainiarren zerrendako 35. postuan.* Bere konposizioen artean, honako arrakasta hauek nabarmentzen dira: «Lo echamos a suertes», «Amores de barra», «Y deseo» edo «Cuando los sapos bailen flamenco».
Ibilbidea[aldatu | aldatu iturburu kodea]
Hastapenak[aldatu | aldatu iturburu kodea]
Marta Botía Alonso eta Marilia Andrés Casares Madrilgo San Agustin ikastetxean ezagutu zuten elkar, UBI ikasten ari ziren lagun bati esker. Elkarrekin modu informalean kantatu ondoren, musikaren munduan zortea probatzea erabaki zuten. Horretarako, rock talde batekin elkartu eta koroak egiten hasi ziren. Ondoren, beren taldea sortu zuten, The Just, ingelesezko abestiak interpretatuz. Marta Botíak Gonzalo Benavides ezagutu zuen Javier Álvarezen emanaldi batean Retiro parkean, eta maketak grabatu eta kontzertuak ematen hasi ziren Madrilgo areto eta lokal txikietan.
1996-1997: Ella baila sola[aldatu | aldatu iturburu kodea]
Bi gazte hauek —Marta madrildarra eta Marilia Cuencarra— ospetsu egin ziren 1996. urtearen erdialdean beren ibilbidearen lehen bakuna argitaratu zutenean, «Lo echamos a suertes», Espainian eta Hispanoamerikan arrakasta izan zuen kanta, eta 1. postuari eutsi zioten zenbait musika-zerrendatan.*
1996an, bikotearen lehen diskoa atera zen salgai, Taldearen izen berekoa, Ella baila sola, eta arestian aipatutako "Lo echamos a suertes" kanta zuen diskoa. Ondoren, «Cuando los sapos bailen flamenco», «Amores de barra» eta «Por ti» sinpleak kaleratu zituzten. Bilduma horretatik 1.000.000 kopia saldu zituzten Espainian eta 500.000 bat kopia Latinoamerikan.* Lasterrera, debut albumaren 1.500 000 kopia baino gehiago saltzea lortu zuten, eta urte hartako diskorik salduenetako bat izatea lortu zuten.*
1997an zehar diskoa sustatzeko 100 kontzertu baino gehiago eman zituzten Espainian eta Latinoamerikan.*
1998-2000: EBS eta Marta eta Marilia[aldatu | aldatu iturburu kodea]
1998ko udan bigarren diskoa, E.B.S., grabatu zuten. Irailaren 14an jarri zen salgai eta 15 abesti berri zituen. 400 000 kopia saldu ziren Espainian eta beste 200 000 Latinoamerikan.*
2000ko irailean, Marta & Marilia bikotearen hirugarren eta azken diskoa grabatu zuten, lehen albumaren estiloari jarraitu zioten 12 abesti biltzen zituena. Azaroaren 20an jarri zen salgai, «Cómo repartimos los amigos» izenburudun abestia izan zen kaleraturako lehen sinplea, eta azkar iritsi zen Los 40 Principales zerrendako lehen zenbakira. Album horrek 2001eko Grammy Latinos sarietarako izendapena lortu zuen.* Salmentak 100 000 kopia izan ziren Espainian eta beste hainbeste Latinoamerikan.*
2001: Grandes éxitos 96-98-00 diskoa eta banaketa[aldatu | aldatu iturburu kodea]
Urte horretako irailaren 24an, EMIodeonek Grandes Éxitos 1996-1998-2000 izeneko bilduma-diskoa jarri zuen salgai, aurreko hiru diskoetatik ateratako 20 abestirekin, eta, gainera, Luis Eduardo Auteren omenezko diskorako kantatutako «Ay de ti, ay de mí» abestia.
Alde pertsonalak zirela eta, 2001eko urrian musika-bikotea banatu egin zen, bilduma-disko batekin eta prentsaurreko batekin. Disko horretan ez Martak ez Mariliak ez zuten lankidetzarik eman, eta Ella Baila Sola izeneko azken argitalpena izan zen, urte bereko urrian banantzearen berri eman zuena.[1] Une horretatik aurrera, taldeko bi abeslariak bakarka hasi ziren.
2009-2013: Elkarketa eta beste banaketa bat[aldatu | aldatu iturburu kodea]
2009ko udan, Marta Botía bikotekide sortzaileetako batek itzulera berretsi zuen, baina Marilia Andrés gabe, Rocío Pavón madrildarrarekin. Bikoteak E.B.S. izena hartu zuen, Ella Baila Solaren siglak.[2] Urte hartako irailean atera zen Despierta izeneko album berria.* 2010ean Espainian zehar bira bat hasi zuten. 2013. urtean taldea desegin zen berriro, Rocío Pavónek eta Gonzalo Benavides managerak desberdintasunak zituztelako.[3]
2015etik aurrera: beste itzulera bat eta Imanes en la nevera[aldatu | aldatu iturburu kodea]
2015. urtean, Martak bakarrean beste disko bat kaleratu zuen, eta bira paraleloak ematen hasi zen Ella Baila Solaren showarekin, Maria del Mar García izeneko integratzaile berriarekin. 2018ko urrian, jakinarazpen baten bidez, bikotearen album berri bat kaleratuko zela iragarri zen. Orduko horretan, Martak eta Virginia Mosek osatu zuten. 2019ko martxoaren 22an taldeak Imanes en la nevera[4] diskoa kaleratu zen. Hori sustatzeko, «Voy» eta «Mírame» sinpleak merkaturatu ziren.[5][6]
2021: Jatorriko bikotearen elkartzea[aldatu | aldatu iturburu kodea]
2021eko apirilean, 25. urteurrenean, Marilia Andrés eta Marta Botía jatorrizko kide bikoteak berrelkartze bat iragarri zuen.[7]
Diskografia[aldatu | aldatu iturburu kodea]
- Estudio-albumak
| Urtea | Albuma | Ziurtagiriak |
|---|---|---|
| 1996 | Ella baila sola
|
|
| 1998 | E.B.S
|
|
| 2000 | Marta eta Marilia
|
|
| 2001 | Grande éxitos: 96-98-00
|
|
| 2009 | Despierta
|
|
| 2019 | Imanes en la nevera
|
- Bilduma-albumak
- 2004: Colección grandes
- 2005: Lo echamos a suertes
- 2007: The Platinum Collection
- 2007: Lo echamos a suertes
- EP
- 2011: Tienes razón
Erreferentziak[aldatu | aldatu iturburu kodea]
- ↑ Fernando Martin. (24 de octubre de 2001). El dúo Ella Baila Sola hace pública su separación. Diario El País.
- ↑ «EBS, el dúo nacido de las cenizas de Ella Baila Sola, dice adiós | Teinteresa» www.teinteresa.es.
- ↑ «Ella Baila Sola se separa y se pelean en Facebook» Diario Sur 2013-03-08.
- ↑ Redacción. (2020-03-12). «“Imanes en la Nevera” el nuevo disco que trae de regreso a “Ella Baila Sola”» Cool Music Chile.
- ↑ Voy - Single by Ella Baila Sola. .[Betiko hautsitako esteka]
- ↑ «“El público me ha motivado a seguir adelante sin importar quién me acompañe”» Diario El Día 2020-03-16.
- ↑ «'Ella Baila Sola': el reencuentro de Marta y Marilia en 'El Hormiguero'» MARCA 2021-04-01.
- ↑ «Discos de platino y oro 1999» El Mundo.
- ↑ a b c Español, 100% Pop. (2019-03-26). «"Imanes en la nevera" es el nuevo disco de Ella Baila Sola» 100% Pop Español.
- ↑ «Discos de platino y oro 2000» El Mundo.
Kanpo estekak[aldatu | aldatu iturburu kodea]
| Autoritate kontrola |
|
|---|
Datuak: Q3322637