Grândola Vila Morena

Krabelinen iraultza gogoratzeko hormirudia, Grândola hirian.

Grândola, Vila Morena, José Afonso musikari portugaldarrak sortutako abestia. Krabelinen iraultzaren ikurra bihurtu zen. Irratian abesti hau emititzea izan zen militar batzuek aldez aurretik adostutako zeinua zenbait urrats garrantzitsu aurreratzeko Salazar diktadorearen erregimenaren kontra.

Historia

José Alfonso, "Zeca" goitizenez, musikari eta abeslari portugaldarrak konposatu zuen abestia Krabelinen Iraultza baino urte batzuk lehenago. Sortzez, Grândola hiriko musika elkarte bati omenaldia egiteko sortu zuen abestia. Salazar diktadorearen erregimenak José Alfonsoren hainbat abesti zentsuratu zituen baina abesti hau disko batean agertu zen Frantzian, 1971. urtean, eta Krabelinen Iraultza baino egun batzuk lehenago, iraultzean parte hartuko zuten zenbait militarrek entzun zuten zuzenean.

Nola erabili zuten Krabelinen Iraultzean

1974ko martxoaren 29an, Grândola, Vila Morena Lisboako Coliseoan zuzeneko emanaldiaren azken abestia izan zen. Bertan zeuden, entzuten, MFAko zenbait militar ''Movimento das Forças Armadas'' eta ia hilabete beranduago, [apirilaren 25]ean, Krabelinen iraultzari hasiera emateko zeinu bezala aukeratu zuten. Lisboako Coliseoko emanaldian José Alfonsok ezin izan zituen bere abestietako batzuk plazaratu, Salazar erregimenaren zentsurak debekatuta baitzituen: Venham mais Cinco ("Hona bostekoa"), Menina dos Olhos Tristes ("Begi tristeetako neskatila"), A Morte Saiu à Rua ("Heriotza kalera irten zen") eta Gastão Era Perfeito ("Gastoi perfektua zen").

1974ko apirilaren 25ean, 0.20 orduan, Limite ("Muga") izeneko programan, Radio Renascença irrati katea Grândola, Vila Morena emititu zuen. Horixe zen bigarren eta azken zeinua Salazar diktadorearen erregimenari kolpea emateko. Kolpeak arrakasta izan zuen eta Portugal herrialdeak eta bere koloniek, handik aurrera askatasun handiagoa izan zuten.

Hitzak

Grândola, vila morena Terra da fraternidade O povo é quem mais ordena Dentro de ti, ó cidade Dentro de ti, ó cidade O povo é quem mais ordena Terra da fraternidade Grândola, vila morena Em cada esquina um amigo Em cada rosto igualdade Grândola, vila morena Terra da fraternidade Terra da fraternidade Grândola, vila morena Em cada rosto igualdade O povo é quem mais ordena À sombra duma azinheira Que já não sabia a idade Jurei ter por companheira Grândola a tua vontade Grândola a tua vontade Jurei ter por companheira À sombra duma azinheira Que já não sabia a idade

Grândola, hiri beltzarana Anaitasunaren lurraldea Herria da gehien agintzen duena Zugan, hiri hori. Zugan, hiri hori, Herria da gehien agintzen duena Anaitasunaren lurralde hori Grândola hiri beletzarana Edozein txokotan, lagun bat Aurpegi bakoitzean, berdintasuna Grândola hiri beltzarana Anaitasunaren lurraldea Anaitasunaren lurraldea Grândola hiri beltzarana Aurpegi bakoitzean, berdintasuna Herria da gehien agintzen duena Artearen gerizpean Adina ezagutzen ez nuen arteapean Adiskide izango nuela zin egin nuen Grândola, zure borondatea Grândola, zure borondatea Adiskide izango nuela zien egin nuen Artearen gerizpean Adina ezagutzen ez nuen arteapean.

Ikus gainera

• Krabelinen Iraultza

Kanpoko loturak

• (Gaztelaniaz) Grândola, vila morena
• (Portugesez) Abestiaren audioa; José Alfonso eta kideak zuzenean Coliseoan