Guillaume Lekeu
Wikipedia(e)tik
Guillaume Lekeu (Heusy, Verviersetik hurbil, Valonia, Belgika, 1870eko urtarrilaren 20a - Angers, Frantzia, 1894ko urtarrilaren 21a) belgikar musikagilea izan zen.
Biografia [aldatu]
César Franck eta Vincent d'Indyren ikasle izan zen. Gazterik hil zen, eta musika-lan gutxi utzi zituen, baina oso ederrak denak. Oso ezaguna den Sonata idatzi zuen pianorako eta biolinerako; Adagio bat (1891) harizko orkestrarako; Nocturne, giro inpresionista aditzera ematen duena; Trois Poèmes, berak idatzitako poemen gainean; Andromeda kantata, Erromako sarian bigarren izan zena, eta Faust, estudio sinfonikoak. Erromantizismo berrituaren bideari ekin zion, inpresionismoa hastear zegoen unean.
Erreferentziak [aldatu]
- Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/27 egunean. Izan ere, egile-eskubideen jabeak, Eusko Jaurlaritzak, hiztegi horiek Creative Commons Aitortu 3.0 Espainia lizentziarekin argitaratu ditu, Open Data Euskadi webgunean.
