Heretia
| Heretia | |
|---|---|
 | |
| Geografia | |
| Hiriburua | Şəki 41°11′31″N 47°10′14″E |
| Kontinentea | Europa |
| Administrazioa | |
| Demografia | |
| Historia | |
| Sorrera data: 893 | |
| Bestelako informazioa | |
Heretiako erresuma, Hereti, Herethia, Herezia edo Erezia bezala ere transkribatua (georgieraz ჰერეთის სამეფო, heretis samepo, Heretiako erresuma), printzerri georgiar bat izan zen, independente aldi batean (787–959), Erdi Aroko Kaukasian. Kakhetiako printzerriaren eta Albania Kaukasiarraren artean kokatua zegoen.
Heretia eskualde historiko baten izena da gaur egun ere, gutxi gorabehera, Kakhetiako (Georgia) hego-ekialdeko izkinari dagokio, baina Azerbaijango ipar-mendebaldeko barruti batzuk ere barne kontsidera daitezke.
Historia[aldatu | aldatu iturburu kodea]
Heretia eskualdeko biztanle originalen izenen zenbait etnonimo gorde dira: her (er), sukh, txilb eta ibin izan ziren. Her herriaren herria adierazten du Heretia izenak. Tribu horiek Kaukasoko Albaniaren gobernupean bizi ziren.
Kaukasiar Albaniaren gainbeherarekin, lurraldea pixkanaka sartu zen Iberiako erresuman, eta Vakhtang I.a Gorgasal erregeak 463. urtearen inguruan konkistatu zuen, V. mendean bere samthavro edo konderria osatuz, eta bertako herriak georgiarrengana asimilatuz. Orduan agertu zen lehen aldiz Hereti izena iturri georgiarretan. Kontakizun tradizionalen arabera, probintziaren izena Heroes patriarka mitiko batetik sortu zen, Thargamosen semeak, zeinak Hereti hiria (geroago Khoranta) sortu zuen Alazani ibaiaren haranean.
Arabiar eta musulmanak iritsi zirenean Georgiara 8. mendean, Heretia erresistentzia puntu izan zen. Tbilisiko emirerriko okupatzaile aurre egiteagatik, Heretia Bagrationi armeniar familia nobleari eman zitzaion, eta hauek urte batzuen buruan printzerri independente bat ezarri zuten Saki hirian hiriburua zutelarik. Printzerria indarra eta ospea bereganatuz joan zen, eta 893. urte inguruan Grigol Hamam printzeak botere handia izan zuen eta errege koroatua bilakatzea lortu zuen.
Kanpo estekak[aldatu | aldatu iturburu kodea]
- Artikulu hau, osorik edo zatiren batean, gaztelaniazko Wikipediako «Reino de Hereti» artikulutik itzuli da; zehazki, 2019-09-09ko bertsio honetatik. Izan ere, artikulu horretan aritu diren wikilariek GFDL edo CC-BY-SA 3.0 lizentziekin argitaratu dute beren lana.
