Home Alone
Home Alone (euskaraz Etxean Bakarrik) 1990ko Chris Columbus estatubatuar zuzendari eta ekoizlearen umorezko filma bat da. Macaulay Culkin, Joe Pesci, Daniel Stern, John Heard eta Catherine O'Hara aktoreak antzeztu zuten.
Bereganatutako arrakasta itzelaren ondorioz hainbat jarraipen izan ditu: Home Alone 2: Lost in New York (1992), Home Alone 3 (1997), Home Alone 4 (2002) eta Home Alone: The Holiday Heist (2012). Hortaz gain, filma honi esker orduan mutikotxo bat zen Macaulay Culkin aktorea mundu mailan ospetsu eta haur zinemako izar bilakatu zen.
Bi Oscar Sarietarako izendapenak jaso zituen: Jatorrizko soinu banda onenaren Oscar Saria (John Williams) eta Jatorrizko abesti onenaren Oscar Saria ("Somewhere in My Memory", "Nonbait Nire Oroimenean", John Williams eta Leslie Bricusse).
Argumentua
AEB, Illinois estatuko Winnetka udalerria. Kevin McAllister (Macaulay Culkin) kide ugariko familia bateko zortzi urtetako mutikoa ezustean etxean bakarrik gelditu da, bere familia osoa Frantziara oporrak pasatzera joan denean etxean laga baidute. Kevinek bere kaxaz baliatzen ikasi eta bere etxea nahiz auzoko gainontzeko itxitako etxebizitza guztiak lapurtzeko asmoa duten Harry eta Marv (Joe Pesci eta Daniel Stern) lapur aldrebesei aurre egin beharko die. Amak (Catherine O'Hara) semea faltan bota bezain laister, Kevinen bila itzultzeko Chicagorako hegaldia hartuko du.
Aktoreak
| Aktorea | Pertsonaia |
|---|---|
| Macaulay Culkin | Kevin McCallister |
| Joe Pesci | Harry Lime |
| Daniel Stern | Marv Merchants |
| John Heard | Peter McCallister |
| Roberts Blossom | Marley |
| Catherine O'Hara | Kate McCallister |
| Angela Goethals | Linnie McCallister |
| Devin Ratray | Buzz McCallister |
| Gerry Bamman | Osaba Frank McCallister |
| Hillary Wolf | Megan McCallister |
| John Candy | Gus Polinski |
| Larry Hankin | Balzak ofiziala |
| Michael C. Maronna | Jeff McCallister |
| Kristin Minter | Heather McCallister |
| Jedidiah Cohen | Rod McCallister |
| Kieran Culkin | Fuller McCallister |
| Terrie Snell | Izeba Leslie McCallister |
| Jefferey Wiseman | Mitch Murphy |
| Ralph Foody | Johnny gangsterra |
| Michael Guido | 'Serpents' gangsterra |
| Dan Charles Zulcoski | Pizza banatzailea |
| Michael Hansen | gidaria |
Jarraipenak
- Home Alone 2: Lost in New York (1992)
- Home Alone 3 (1997)
- Home Alone 4 (2002)
- Home Alone: The Holiday Heist (2012)
Kanpo loturak
- Home Alone filmaren IMDBko fitxa irakurgai (Ingelesez)