Isopodo
Wikipedia(e)tik
Isopodo izen bereko ordenako krustazeo malakostrakoez esaten da (Isopoda ordena). Paleozoikoan sortuak dira, duela 300 milioi urte. Uretako animaliak dira gehienak, baina badira lehorrekoak ere, eta isopodorik ezagunena lehorrekoa da, kukurutxa (Armadillidium vulgare). Gorputz zapala eta oskolik gabea dute. Begiak buruari oinik gabe lotzen zaizkienak dituzte. Toraxean zortzi segmentu dituzte, hanka-pare banarekin. Espezie asko txikitan bizkarroi izaten dira. Mota gehienak 5-30 mm izaten dira luze; hala ere, badira 270 mm-koak ere. Gai ustelak janez elikatzen dira. 10.000 espezie inguru dira, bederatzi subordenatan banatuak.
Erreferentziak [aldatu]
- Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/27 egunean. Izan ere, egile-eskubideen jabeak, Eusko Jaurlaritzak, hiztegi horiek Creative Commons Aitortu 3.0 Espainia lizentziarekin argitaratu ditu, Open Data Euskadi webgunean.
