Joachim Patinir

Wikipedia(e)tik
Hona jo: nabigazioa, Bilatu
Le baptême du Christ, Viena.

Joachim Patinir, Joachim Patenier izenaz ere ezaguna (Bouvignes, Dinanetik hurbil, 1485 - Anberes, 1524), flandriar margolaria izan zen.

Biografia[aldatu | aldatu iturburu kodea]

Jeronimo Boschen eta Gerard Daviden eragina nabaria da Patinirren obretan. Bizi zelarik ospe handia izan zuen: Quentin Metsysen eta Dureroren adiskide izan zen. Durerok, hain zuzen, paisaia-margolari handia deitzen zuen.

Paisaia soilak landu zituen lehenengoa izan zen, eta orobat bere burua paisaia-margolaritzat hartu zuen aurrena. Pertsonen irudiak, oso txikiak askotan, osagarri gisa erabiltzen zituen ikuspegietan; sarritan beste artista batzuek eginak izaten ziren.

Haren lanetako batzuk: La Tentation de saint Antoine (Pradoko Museoa); La Fuite en Egypte (Anberesko Museoa); Le baptême du Christ (Artearen Historiako Museoa, Vienan).

Eragin handia izan zuen XVI. mende osoan: bere ikasle edo jarraitzaile izan zituen Jan Brueghel, Cornelis Metsys, Henri Met de Bles, Lucas Cassel eta beste asko.

Commonsen badira fitxategi gehiago, gai hau dutenak: Joachim Patinir Aldatu lotura Wikidatan


Erreferentziak[aldatu | aldatu iturburu kodea]