Juan Oteiza

Juan Oteiza
	; Irudi gehiago
Bizitza
Jaiotza	Iruñea, c. 1590
Herrialdea	Nafarroa Garaia, Euskal Herria
Heriotza	Iruñea, 1635 ondoren (44/45 urte)
Hezkuntza
Hizkuntzak	gaztelania
Jarduerak
Jarduerak	inprimatzailea

Juan Oteiza, gaztelaniaz Juan de Oteyza (Iruñea, c. 1590 - ib., 1635 ondoren) XVII. mendeko nafar liburu-saltzaile eta liburugilea izan zen. Iruñean izan zuen inprimategia, 1622tik 1632 arte.

Biografia[aldatu | aldatu iturburu kodea]

Aita bezala, Juan Oteiza liburu-saltzailea zen. Halaber, Erresumako Postari Nagusiaren Tenientea zen. Azken lan horren erruz, 1610ean, lanbidearen ondorioz ateratako diru-sarreren likidazioa zela eta, espetxeratu zuten; nagusiak 8.341 erreal erreklamatzen zizkion.^[1] 1613an akusazio bera jaso zuen.^[2]

1622an ordura arte bere iloba zen Nikolas Asiainena zen inprimategia hartu zuen eta hamaika urtez zuzendu zuen. Nikolas Asiain hil zenean inprimategia bere amaren eskuetara pasa zen, Mikaela Garrues, eta azken honek Oteizari pasa zion, ziur aski bere semeak sortutako zorrak ordaintzeko. 1632an negozioa Martin Labaieni saldu zion. Urte horietan liburu gutxi batzuk argitaratu zituen, hemezortzi monografia alegia, 1,7 urtean; gutxi da zere Nikolas Asiainek urtean hiru argitaratzen baitzituen.

Argitaratutako liburuak[aldatu | aldatu iturburu kodea]

1622, Pedro Martinez de Sigues: Antidoto contra las adversidades del mundo donde por discurso epistolico se averigua los fines dichosos que han tenido
1622, Miguel de Cervantes Saavedra: Nouelas exemplares,
1624: Catecismo de Trento, Karlos Labaienekin batera plazaratu zuen.
1624, Cuadernos de las Leyes de las Cortes de Navarra
1624, Leonardo Lessi: Tratado para hacer buena eleccion de estado
1625, Ludovico Blosio: Obras, Juan Beinza argitaratzailearentzat egin zuen.
1625, Bartolomé de Medina: Breve instrucción de cómo se ha de administrar la penitencia
1626: aurreko liburu bera baina beste azala batekin
1626: Estado y descripción de la catedral de Pamplona
1628, Cuadernos de las Leyes de las Cortes de Navarra
1630, Antonio de Escobar y Mendoza: Examen de confesores
1630, Juan de Lazcano: Segunda parte de los libros de oracion y meditacion, ayuno y limosna con otros tratados pertenecientes a lo mismo
1632, Cuadernos de las Leyes de las Cortes de Navarra
1632: El juramento que el Serenissimo Principe Don Balthassar Carlos principe natural heredero deste Reyno de Navarra... y... Luys Bravo de Acuña... Virrey Capitan General deste Reyno de Navarra... hizo en su nombre al dicho Reyno y tres Estados y el que los dichos tres Estados prestaron a su Alteza, y en su nombre al dicho señor Virrey b: en las Cortes que se celebraron en esta ciudad de Pamplona este presente año de 1632.

Liburuen ekoizpena[aldatu | aldatu iturburu kodea]

Oteiza inprimategiaren lana ez zen oso handia eta, urteen arabera, aldakorra izan zen. Urte onena 1624 izan zen: urte horretan sei liburu plazaratu zituen. Urte batzutan ez zuen ezta bat ere argitaratu.