Judeako Erresuma

Judeako Erresuma; מַמְלֶכֶת יְהוּדָה
	K.a. 930 – K.a. 586
	Monarkia
	K.a. 830eko mapa
Geografia
Hiriburua	Jerusalem
Kultura
Hizkuntza(k)	Hebreera
Erlijioa	Moisesen fedea
Historia
	Israelgo Erresuma
Yehud

Artikulu hau Hegoaldeko Erresumari buruzkoa da; beste esanahietarako, ikus «Israelgo Erresuma».

Judeako Erresuma^[1] (hebreeraz: מַמְלֶכֶת יְהוּדָה, Mamlekhet Yehuda) Burdin Aroan hegoaldeko Ekialde Hurbilean zegoen herrialdea izan zen. Batzuetan Hegoaldeko Erresuma ere deitzen dute, iparraldeko Israelgo Erresumatik bereizteko.

Ziur asko K.a. X. mendean jadanik erresuma bereizia izan arren^[2], K.a. VII. mendean asiriarrek bultzatu zuten, oliba-olioa kontrolpean zuen estatu-basailua sortu nahi zutenak. Baina Asiriak bertan behera egin zuenean, eskualdea Antzinako Egipto eta Neobabiloniar Inperioaren arteko gudu zelai bilakatu zen. Hori zela eta, K.a. 597 eta K.a. 582 artean kanpaina batzuk egin ostean, elitea erbesteratu eta eskualdea Neobabiloniar Inperioaren probintzia bilakatu zen.