Khatxapuri
| Khatxapuri | |
|---|---|
| pastel betea eta janaria | |
 | |
| Jatorrizko herrialdea | Georgia |
| Honen parte | Georgian cuisine (en)  |
Khatxapuri delakoa (georgieraz : ხაჭაპური [xɑ'tʃɑ'puri], ხაჭო khatxo [xa'tʃo] "gazta freskoa" eta პური puri ogia hitzez osatua) gazta-ogia da, Georgiako plater tipiko eta ezaguna da. Georgiako gastronomiatik beste herrialde batzuetara ere zabaldu zen sobietar garaian . [1]
Deskribapena[aldatu | aldatu iturburu kodea]
Forma desberdinak har ditzakeen ogia da (biribila, angeluzuzena edo itsasontzi-formakoa) eta horri gazta garratza eransten zaio, imeruli ( Imeretian ) edo suluguni ( Mingrelia eta Svanetian ) edo bryndza gazta gazia ere bai. Gazta birrindua izan ohi da eta kasu batzuetan arrautzaz lagunduta zerbitzatzen. Gurina ere gehitzen da emaitza nahikoa krematsua ez bada suertatu.
Jaki honen ospea hain da handia, non Tbilisi Estatuko Unibertsitateko Nazioarteko Ekonomia Eskolarekin lotutako ISET-PI think tankeko ekonomialariek inflazioa neurtzeko indize bat asmatu zuten Imeretiako khatxapurien prezioan oinarrituta, The Ecomomistek sortutako Big Mac indizean inspiratuta. [2] Georgiako produktu honen kasuan, kalkulua gai hauen prezioan oinarritzen da: irina, gazta, gurina, arrautza, esnea eta legamia . [3]
Aldaerak[aldatu | aldatu iturburu kodea]
Khatxapuriek jatorri geografikoaren araberako aldaera dituzte: [4]
- Imeretiako khatxapuria : ezagunenetako bat. Forma biribila.
- Adjariako khatxapuria : Georgiatik kanpo ezagunena. [5] [6] Itsasontzi baten itxura du. Arrautza eta gurin zati bat gehitzen zaio gainetik, adjaruli ere esaten zaio.
- Mingreliako khatxapuria: biribila. Imeretiakoaren antzekoa baina gazta gehiago gehitzen da.
- Penovaniko khatxapuria: Jatorriz Samtskhe-Javakhetikoa . Orokorrean forma karratua du. Khatxapuri barietate sinpleena da.
- Guriako khatxapuria: ilgoran den-ilargi baten itxura du eta Eguberri ortodoxoetarako prestatzen da.
- Osetiako khatxapuri : Imeretiakoaren antzeko formaz. Patata egosiarekin egiten da.
- Svanetiako khatxapuria : gazta gantzatsuaz, arrautzez eta tipula berdez beteta. Formaz biribila.
Erreferentziak[aldatu | aldatu iturburu kodea]
- ↑ Georgia’s Khachapuri Combines Tradition, Egg and Cheese Bread | Institute of Culinary Education. .
- ↑ Khachapuri Index. .
- ↑ Farley, David. Georgia’s addictive cousin to pizza?. .
- ↑ 7 Types of Khachapuri Sorted by Popularity. .
- ↑ Warm khachapuri flatbreads take me back to Georgia – here’s the recipe | Marcel Theroux. 2021-02-02.
- ↑ Día Mundial del Huevo: Tokeneneng y otras recetas raras que no conoces. 2020-10-09.