King Kong (1976ko filma)
King Kong 1976ko John Guillermin britainiar zinema zuzendariak zuzendu eta Dino De Laurentiis italiar zinema ekoizleak ekoiztutako hondamendi filma bat da. Jeff Bridges, Charles Grodin eta Jessica Lange aktoreek antzeztu zuten.
1933ko King Kong film klasiko eta ospetsuaren berregokitzapena da, orduko hartan King Kong gorila erraldoia New York hiriko Empire State Building etxeorratzara igotzen baldin bazen, honako honetan World Trade Center dorre bikietara igo zen.
Oscar Sarietarako hiru izendapen jaso zituen, Logan's Run filmarekin batera bat irabaziz: Efektu berezi onenen Oscar Saria.
Gaur egun aski ospetsua den Jessica Lange aktorearen lehenbiziko pantaila handirako paper garrantzitsua izan zen.
Argumentua
Petrox Oil Company enpresak petrolioa topatu asmoz Fred Wilson (Charles Grodin) enpresaburua buru duen talde bat Mikronesiako "Skull Island" izeneko uharte misteriotsura bidali du. Haiekin batera Jack Prescott (Jeff Bridges) paleontologoa doa, bere ustez uharte hartan bizi den historiaurreko mustruo erraldoi bat topatuko bizi delakoan. Itsas bidaian zehar zinema ekoizpen talde bat zihoan ontzi bat hondoratu ondoren bizirik atera den emakume bat (Jessica Lange) erreskate txalupatxo batean ere topatuko dute. Uhartean lehorreratzean, oholesi erraldoi bat topatuko dute, eta hartan uhartetarrek bertako neska gazte bat plataforma batean jarri dutela ikusiko dute, jainko misteriotsu bati deituz hura sakrifizio moduan eskaini nahian.
Aktoreak
- Jeff Bridges: Jack Prescott
- Charles Grodin: Fred S. Wilson
- Jessica Lange: Dwan
- John Randolph: Ross kapitaina
- Rene Auberjonois: Roy Bagley
- Ed Lauter: Carnahan
- Julius Harris: Boan
- Jack O'Halloran: Joe Perko
- Dennis Fimple: Sunfish
- Jorge Moreno: Garcia
- Mario Gallo: Timmons
- John Lone: txinatar sukaldaria
- John Agar: hiriko ofiziala
- Sid Conrad: Petrox enpresako burua
- Keny Long: tximino mozorrodun gizona
- Garry Walberg: AEBko Armadako jenerala
- George Whiteman: AEBko Armadako helikoptero pilotua
- Wayne Heffley: AEBko Aire Armadako kolonela
- Eve McVeagh (krediturik gabe): kazetaria
- Corbin Bernsen (krediturik gabe): kazetaria
- Joe Piscopo (krediturik gabe): Bit Part
- Donald F. Glut (krditurik gabe): King Kongek ihes egiten duen anfiteatroko harmailetako tipoa
- Peter Cullen, Rick Baker eta Will Shepard: King Kongen paperan eta krediturik gabe
Kanpo loturak
- King Kong filmaren IMDBko fitxa irakurgai (Ingelesez)