Liliana Colanzi

Liliana Colanzi
	; Irudi gehiago
Bizitza
Jaiotzako izen-deiturak	Liliana Colanzi
Jaiotza	Santa Cruz de la Sierra, 1981eko martxoaren 27a (43 urte)
Herrialdea	Bolivia
Bizilekua	Mexiko
Hezkuntza
Heziketa	Cambridgeko Unibertsitatea master : Latin American studies (en) ; Cornell Unibertsitatea doktoretza : Literatura konparatu; Universidad Privada de Santa Cruz de la Sierra (en) lizentzia : social communication (en)
Hizkuntzak	gaztelania; ingelesa
Jarduerak
Jarduerak	idazlea, eleberrigilea eta kazetaria
Enplegatzailea(k)	Cornell Unibertsitatea
Jasotako sariak	ikusi Premio Internacional de Literatura Aura Estrada (2015) ; Premio de Narrativa Breve Ribera del Duero (2022) ;
Genero artistikoa	kontakizun laburra

Liliana Colanzi Serrate (Santa Cruz de la Sierra, 1981eko martxoaren 27a) idazle, editore eta kazetari boliviarra da.^[1]

Biografia[aldatu | aldatu iturburu kodea]

Gizarte Komunikazioa ikasi zuen Santa Cruzeko UPSAn. Cambridgeko Unibertsitatean Latinoamerikako Ikasketak masterra egin zuen eta ondoren, Cornelleko Unibertsitatean doktoretza atera zuen Literatura Konparatuan.^[2] Egun, literatura latinoamerikarreko irakaslea da Cornellgo Unibertsitatean.^[3]

Kazetari gisa Deber, El Nuevo Día eta Número Uno bezalako baliabide inprimatuetan argitaratu du, baita El País, Letras Libres, Americas Quarterly, The White Review, El Desacuerdo eta Etiqueta Negra bezalako komunikabideetan ere.

Editore lana egin du Conductas erráticas (2009) eta Mesías (2013) bezalako argitalpenetan.^[1] 2017an, "Dum Dum Editora" argitalpen-proiektuari ekin zion, Sara Gallardo idazle argentinarraren Eisejuaz eleberriarekin.^[4] 2019an, La Desobediencia: Antología de ensayo feminista argitaratu zuen Dum Dum Editora argitaletxearekin, non Boliviako hainbat idazleren lanak biltzen dituen, hurrenez hurren, Fabiola Morales Franco, Magela Baudoin, Fabiola Gutiérrez, Paola R. Senseve T., Valeria Canelas, Lucía Carvalho, Christian Daniel Egüez, Virginia Ayllón, Alison Spedding Pallet eta María Galindo.^[5] Virginia Ayllónen arabera, antologia hau Boliviako lehenengo antologia feminista da, "emakumeek emakumeentzat idatzia, baina ez bakarrik".^[6]

Sariak eta Aitortzak[aldatu | aldatu iturburu kodea]

2015ean Aura Estrada Nazioarteko Literatur Saria irabazi zuen, gaztelaniaz idatzi eta Mexikon edo Estatu Batuetan bizi diren 35 urtetik beherako idazleei emandako saria dena.^[7]
2017an, Gabriel García Márquez Ipuin Hispanoamerikarreko Sarian finalista izan zen Nuestro mundo muerto liburuarekin.^[8]
2017an, 40 urtetik beherako Latinoamerikako 39 idazleren artean aukeratu zuen Kolonbiako Hay Festival-ek.^[9]
2022an, Ribera del Duero saria irabazi zuen Ustedes brillan en lo oscuro ipuin liburuagatik.^[10]