Mars Pathfinder

Wikipedia(e)tik
Hona jo: nabigazioa, Bilatu
Mars Pathfinder-ren muntaketa

Mars Pathfinder, NASAk Martera bidali zuen lehengo rover-a da.Vikingen ondoren Marten egon den misiorik garrantzitsuena da. 1996ko abenduaren 4an aireratu zen Delta suziri batean eta 1997ko Uztailaren 4an lurreratu zen 7 hilabete geroago, Ares Vallisen, Marteko Chryse Planitia eskualdean. Espaziontzi honetako lurreratze-moduluak, Sojourner Rover deitutako lur orotako ibilgailua askatu zuen, planeta honen lurrazalaren argazkiak atera zitzan.

Mars Pathfinder misioak, hango atmosfera, klima, geologia eta arroka eta lurrazalaren osagaiak aztertzeko tresnak zeramatzan.

Mars Pathfinder misioaren xedeak[aldatu | aldatu iturburu kodea]

  • Espaziontzi merke, azkar eta hobeak garatu zezaketela erakustea, 150 milioi Dolarreko aurrekontua gainditu gabe.
  • Beste planetetara ra zientzia-tresnak erraz eraman daitezkela erakustea.
  • NASAren konpromisoa adieraztea espazio-esplorazio merkeak egiteko.
Argazki panoramikoa

Misioaren operazioa[aldatu | aldatu iturburu kodea]

Sojourner Yogi deituriko arroka aztertzen (lurreratze-modulutik ateratako argazkia)

Mars pathfinder-ek misio ezberdinak egin zituen Marten hiru instrumentu zientifikoren bitartez:

  • Kamera estereoskopikoa filtro espezial batekin. Beste izen batzuk ere eman izan zaizkio: Mars Pathfinder-raren argazki sistema edo Imager for Mars Pathfinder (IMP).
  • Egitura atmosferikoko instrumentua edo (Atmospheric Structure Instrument / Meteorology Package (ASI /MET)) meteorologia-estazioa, Marteko presioa, tenperatura eta haizearen informazioa pilatzeko.
  • Sojourner roverra, Alfa protoi X izpien espektrometroa, harriak eta lurzoruaren osaketa aztertzeko. Bi argazki kamera ere bazituen, txuri beltzean bata eta kolorezkoa bestea.

Instrumentu hauek guztiak ikerketa geologikoak ,geokimikoak, Marteko propietate magnetikoak, atmosfera errotazional eta orbitalak ikertzeko dira.

Xede zientifikoak[aldatu | aldatu iturburu kodea]

  • Gainazalaren morfologia eta geologikoa eskala metrikoan.
  • Petrologia eta geokimika gainazaletan.
  • Lurrazalaren propietate magnetikoak eta mekanikoak.
  • Marteko dinamika rotazionala eta orbitala.

Kanpo loturak[aldatu | aldatu iturburu kodea]

Commonsen badira fitxategi gehiago, gai hau dutenak: Mars Pathfinder Aldatu lotura Wikidatan