Martin Duhalde

Martin Duhalde (Uztaritze, Lapurdi, 1733 - Baiona, 1804) euskal idazlea eta apaiza izan zen. Okzitaniako Tolosako unibertsitatean egin zituen Teologia ikasketak. 1770ean apaiztu, eta gero Larresoroko apaizgaitegian irakasle aritu zen. Frantziako Iraultzarekin, 1789an, Hego Euskal Herrira joan behar izan zuen —Hernanira eta Oiartzuna—, eta bera bezala iheska zetozenei laguntzen jardun zuen. Azkenean, Baionan kokatu zen, eta hantxe hil zen.

Idazlanak

Erlijioa

• Meditacioneac gei premiatsuen gainean, cembait abisuekin, othoitcekin eta bicitceco erregela batekin Arima Jaincotiarren oneraco (1809)
• Birjinia edo donceil Christaba, lempizte siciliarra osotasunerat heldu nahi diren nescatcha gaztei moldetzat baliatcecotçat, aita Begirungarri Migel-Aingeru Marin chikien donepilaco fraideac egina eta Lapurdiko Eliza gizon batec berriro Escuararat itzulia (1783-1784), Miguel Angel Marínen obraren itzulpena (1752, Virginia, o la Virgen Cristiana, historia siciliana, para servir a las jóvenes que aspiran a la perfección). Lau liburuki ditu, eta nabarmen ageri da Larramendiren eragina. Izengabea da, Jean Robin kopiagilearen izena besterik ez duela. J.A. Mujikak frogatu du Duhalderen egiletasuna.

Kanpo loturak

• «Martin Duhalde», Literaturaren Zubitegia.