Hego Euskal Herria

Wikipedia(e)tik
Hona jo: nabigazioa, Bilatu
Artikulu hau Hego Euskal Herriari buruzkoa da; beste esanahietarako, ikus «Ipar Euskal Herria».
Hego Euskal Herriaren kokapena Euskal Herrian

Hego Euskal Herria edo Hegoaldea Araba, Bizkaia, Gipuzkoa eta Nafarroa Garaia lurralde historikoek osatzen dute, Espainiako administraziopean daudenak.

Esamolde hau erabiltzen da Frantziaren administraziopean dauden Lapurdi, Nafarroa Beherea eta Zuberoak osatzen duten Ipar Euskal Herria edo Iparraldea terminotik bereizteko.

Mugakideak[aldatu | aldatu iturburu kodea]

Hego Euskal Herriak honako hauek ditu mugakide: Kantabria eta Gaztela mendebaldean, Errioxa hegoaldean, Aragoi ekialdean, eta Kantauri itsasoa eta Ipar Euskal Herria iparraldean.

Banaketa administratiboa[aldatu | aldatu iturburu kodea]

Administrazio antolaketa eratzean, Araba, Bizkaia eta Gipuzkoak Euskal Autonomia Erkidegoa osatzen dute eta Nafarroa Garaiak Nafarroako Foru Erkidegoa, Espainiako 17 autonomia erkidegotik 2 direlarik. Bestalde, Trebiñuko barrendegia (Araban) Gaztela eta Leongo Burgosko probintziaren barnean dago administratiboki eta Villaverde Turtzioz (Bizkaian) Kantabrian.

Hizkuntza[aldatu | aldatu iturburu kodea]

Ipar Euskal Herrian ez bezala, euskara ofiziala da Euskal Autonomia Erkidego osoan eta Nafarroako Foru Erkidegoko zonalde batean. Gaztelania ofiziala da lurralde osoan.