NO Aurigae

Wikipedia(e)tik
Hona jo: nabigazioa, Bilatu

NO Aurigae (NO Aur / HD 37536 / HR 1939 / HIP 26718) Auriga konstelazioko izar aldagarri bat da, batez beste +6,24ko itxurazko magnitudekoa. Aurigae OB1 izar kumuluarekin lotu den arren, Hipparcos satelite artifizialak neurtutako paralajeak gure eguzki sistematik 1370 argi urteko distantziara kokatzen du, aipaturiko kumuluraino dagoen distantziaren herena.

NO Aurigae M2I espektro motako supererraldoi gorri bat da, 3789 kelvineko tenperatura efektiboa duena. Antares (α Scorpii) edo σ Canis Majorisen antzekoa, bere erradioa gure eguzkiarena baino 630 aldiz handiagoa da, hau da, 2,93 unitate astronomikokoa. Gure eguzki sistemaren erdian balego, bere azalera asteroide gerrikoraino hedatuko litzateke, bere barnean eguzkitik gertuen dauden lau planetak hartuz, Lurra bera barne. Bere argitasun bolometrikoa (uhin luzera guztietan) gure eguzkiarena baino 7000 aldiz handiagoa da. Bere metaltasuna gure eguzkiarena baino txikiagoa da ([Fe / H] = − 0,15), bere burdin ugaritasun erlatiboa Eguzkian dagoenaren %71koa delarik. Tekneziozko izar bezala katalogatua, AGB izar bat dela uste da. Bere masa estimatua gure eguzkiarena baino 5 aldiz handiagoa da.

LC izar aldagarri irregular bezala katalogatua, NO Aurigaeren dizdira +6,1 eta +6,3 bitartean aldatzen da.