Pawn Stars

Wikipedia(e)tik
Hona jo: nabigazioa, Bilatu
Pawn Stars
Formatua Reallity Show
Iraupena 23 minutu
Egilea
Protagonistak Rick Harrison
Corey "Big Hoss" Harrison
Richard "Old Man" Harrison
Austin "Chumlee" Russell
Herria Las Vegas, Nevada
Ameriketako Estatu BatuakAmeriketako Estatu Batuak
TB Katea History Channel
Emisioa 2009ko uztailaren 19a
gaur egun arte
Atalak 218 atal

Pawn Stars (euskaraz "Bahi-denda", literalki "Bahitzaile Izarrak") AEBko Nevada estatuko Las Vegas hirian girotua dagoen bahi-denda batean girotutako saio bat da. 1988an irekitako "Gold & Silver Pawn Shop" ("Urre eta Zilar Bahi-Denda") bahi-dendako egunerokotasuna, bezeroak eta hauek bertara dakartzaten zaharkin nahiz objektu bitxiak ikusgai jartzen ditu.

Protagonistak[aldatu | aldatu iturburu kodea]

Richard Benjamin "Zaharra" Harrison[aldatu | aldatu iturburu kodea]

Richard, 71 urteko izaera ironiko eta ateraldi zorrotzeko adineko gizona, familiako aitona eta bahi-dendaren nagusia da (negozioaren akzioen %51a baitu). Ohituraz, "Zaharra" ("Old Man") ezizenez ezaguna, 38 urte zituela irabazitako ezizena.

Rick Kevin Harrison[aldatu | aldatu iturburu kodea]

Richarden semea eta bere eskuineko eskua, hots, negozioaren bigarren nagusia (gainontzeko akzioen jabea), familiako aita, "Big Hoss" semea duelarik. Izaera jator eta atsegineko gizona da, zaharkinei buruz jakintza handia du eta negozio honetan jaioa da oso. Bere ezizena "tiroaren begiralea" da, nahiz eta maiz "burusoila den gizona" ezizenaz ezagunagoa den. 13 urterekin negozioan lanean hasi eta batxilergoan eskolan ikastetik laga zion, jada asteko bi mila dolar irabazten baizituen.

Corey "Hoss Handi" Harrison[aldatu | aldatu iturburu kodea]

Ricken semea eta Richarden hiloba da, "Hoss Handi" ("Big Hoss") ezizenez ezaguna, fisikoki gazte lodikote eta handia baita. Corey dendako eguneroko operazioen arduraduna da eta bezeroei objektuak erosten dizkie. Rickek negozioari buruz dakien guztia erakusten ari zaio, etorkizunean dendako nagusia izan dadin. Lanean ari dela sarri bere aita eta aitonatekin desadostasunak izan ohi ditu, bertako inbentarioaren ezagutza eza dela medio. Halere, negozio honertarako trebea dela argi uzten du.

Austin "Chumlee" Russell[aldatu | aldatu iturburu kodea]

Coreyren haurtzaroko laguna da, eta hura bezala kiloetan soberan dagoen lodikotea; dendan 19 urterekin lanean hasi zen. Chumleek bezeroei harrera egiten die eta bere eginkizun nagusia haiek dakartzaten zaharkin edota tramankuluak frogatzea izan ohi da (orokorrean, su arma zaharkituak). Sarritan gainontzeko lankideen txantxen jomuga da, maiz izaera xaloa eta zintzoa, eta eta ustezko ateraldi "inozo" baina barregarriak izan ohi ditu, hori dela eta "herriko ergeltzat" ere jo ohi dute. Saioa aurrera doan arabera bere ateraldiek ikusle kopurua ikaragarri handituko dute.

Kanpo loturak[aldatu | aldatu iturburu kodea]

Commonsen badira fitxategi gehiago, gai hau dutenak: Pawn Stars Aldatu lotura Wikidatan