Nevada

Wikipedia(e)tik
Hona jo: nabigazioa, Bilatu

Nevada
State of Nevada

Ameriketako Estatu Batuak Ameriketako Estatu Batuetako estatua
Nevadako bandera
Bandera
Nevadako zigilua
Zigilua
Ezizena: Silver State (Zilar Estatua)
Goiburua: All For Our Country
Hiriburua Carson City
Hiri handiena Las Vegas
Eremua 286.367 km²
Biztanleria 2.565.382 (2007)
Dentsitatea 9,02 bizt / km²
Map of USA NV.svg
Gobernadorea Brian Sandoval (R)
Senatariak Harry Reid (D)
Dean Heller (R)
Laburdura
ISO 3166-2
Nev.
US-NV
www.nv.gov

Nevada Ameriketako Estatu Batuetako mendebaldeko estatu bat da. Hiriburua Carson city da. Guztira 2,5 milioi biztanle ditu (2007). Nevadako hiri nagusiak (biztanle gehien dituenetik hasita) Las Vegas, Henderson, Paradise, Reno, Sunrise Manor, North Las Vegas, Spring Valley, Sparks eta Carson City dira.

XIX. mendearen bukaeraz geroztik Iparraldeko eta Hegoaldeko euskal herritar asko joan izan da Nevadara artzaintzan lan egitera, eta euskaldun jatorriko jende asko dago, Reno inguruan batez ere. 1968an sortu zen, Reno hirian, Nevadako Unibertsitateko Center for Basque Studies saila, euskal kulturaren ikerketagune eta irakaskuntzagune garrantzitsua, William A. Douglas zuzendari duena.

Geografia[aldatu | aldatu iturburu kodea]

Ameriketako Estatu Batuetako estaturik idorrena da Nevada.

Mugak[aldatu | aldatu iturburu kodea]

Nevadak mugakide hauek ditu: iparraldean, Oregon eta Idaho estatuak; ekialdean, Utah estatua; hego-ekialdean, Arizona estatua; hegoaldean eta mendebalean, Kalifornia estatua.

Arroa Handia izeneko ordoki zabalaren barruan dago; ordoki horrek Mendi Harritsuak banatzen ditu, eta mendikate eta muino asko ditu. Ibai nagusiak Humboldt eta Snake dira.

Klima[aldatu | aldatu iturburu kodea]

Klima lehorra da, oso beroa, eta neguan hotza.

Historia[aldatu | aldatu iturburu kodea]

XVI. mendearen bukaeran espainiarrek esploratu zuten, eta Espainia Berria erregeorderriaren barne egon zen. 1848an Mexikok Estatu Batuen esku utzi zuen lurraldea; 1850ean Utah estatuak beretu zuen. 1849tik aurrera jendetza handia iragan zen handik Kaliforniarako bidean, han urrea aurkitu omen zutela eta. 1861ean lurralde autonomoa izan zen; 1864an Ameriketako Estatu Batuetako estatu egin zen.

Ekonomia[aldatu | aldatu iturburu kodea]

Ameriketako Estatu Batuetako estaturik idorrena denez, lur gutxi lantzen da, eta lantzen dena ureztatzearen mende dago (zerealak, patatak; hegoaldean, tomateak eta fruituak). Abere hazkuntzak garrantzi handia du Nevadako ekonomian. Meatze asko dira: urrea, kobrea, beruna, zilarra, burdina, zinka, merkurioa, titanioa.

Industria: zurgintza, beiragintza, kimika gaiak, elektronika.

Turismoa garrantzi handiko alorra da; Las Vegasko eta Renoko kasinoek etekin handia ematen diote estatuari.

Kanpo loturak[aldatu | aldatu iturburu kodea]

Commonsen badira fitxategi gehiago, gai hau dutenak: Nevada Aldatu lotura Wikidatan

Erreferentziak[aldatu | aldatu iturburu kodea]