Sálvame

Sálvame
Jatorria
Izenburua	Sálvame
Jatorrizko hizkuntza	gaztelania
Jatorrizko herrialdea	Espainia
Sasoi kopurua	15
Atalak	3.639
Ezaugarriak
Genero artistikoa	magazine format program (en) eta talk showa
Kokapena
Grabazio lekua(k)	Madril
Koordenatuak	40°30′45″N 3°40′51″W / 40.5124019°N 3.6808639°W
Antzezlea(k)
	Belén Esteban ; Kiko Hernández (en) ; Lydia Lozano (en) ; Mila Ximénez ; Antonio Montero Vázquez (en) ; Gema López ; María Patiño ; Gustavo González (en) ; Chelo García-Cortés ; Kiko Matamoros (en) ; Alonso Caparrós (en) ; Víctor Sandoval (en) ; Raquel Bollo (en) ; Laura Fa (en) ; Carmen Borrego ; Terelu Campos ; Belén Rodríguez ; Miguel Frigenti (en) ; Carmen Alcayde ; Karmele Marchante (en) ; Anabel Pantoja (en) ; Pipi Estrada
Ekoizpena
Konpainia ekoizlea	La Fábrica de la Tele (en) ; Mediaset España
Aurkezlea	Jorge Javier Vázquez, Núria Marín Font (en) , Kiko Hernández (en) , Adela González Acuña, Terelu Campos, María Patiño, Paz Padilla, Carlota Corredera, David Valldeperas (en) eta Carlos Lozano
Emanaldia
Jatorrizko igorlea	Telecinco
Hasiera-data	2009ko martxoaren 19a
Amaiera-data	2023ko ekainaren 23a
	telecinco.es…
kronologia

Sálvame espainiar telebista-saio bat izan zen, 2009ko martxoaren 19tik 2023ko apirilaren 23ra Telecinco katean igorri zena.^[1] Jorge Javier Vázquez, Paz Padilla, Carlota Corredera, Terelu Campos, María Patiño eta Adela González izan ziren barietate-programa honetako aurkezleak. La Fábrica de la Tele enpresak ekoitzitako saio honetan bihotzeko prentsako berriak eta telerrealitateko programen azken gertakizunak eztabaidatzen ziren, besteak beste.

Formatua, oro har, bi zatitan banatzen zen: hasteko, Sálvame Limón (16:00-16:55), eduki jakin batzuk emititzeko askatasunarekin; eta ondoren Sálvame Naranja (16:55-20:00), haurrentzako ordutegi babestuagatik murrizketa gehiagorekin. Horrenbestez, saioak katearen arratsalde osoa hartzen zuen.

Askotan telezabor bezala kalifikatu izan den programa bat zen, Telebista Edukien Aurrean Haurrak Babesteko Autorregulazio Kodea ez betetzeagatik kexa gehien pilatzen dituen telebista espazioa. Urteetan zehar, hainbat erakunde publiko eta partikularrek programaziotik kentzea eskatu zuten, polemika, morbo eta diskusioetan oinarritutako edukian zentratzen zelako. Era berean, saioa adingabearen babes-ordutegitik kentzeko presioa egiteko kanpainak sortu izan ziren sarean, formatuak autoerregulazio-kodean ezarritakoa betetzen ez zuela defendatuz.

Historia[aldatu | aldatu iturburu kodea]

2009ko martxoaren 19an estreinatu zen, late night ordutegian, Supervivientes 2009 lehiaketaren lehenengo programaren ostean. Izan ere, telerrealitateko saio hau komentatzeko helburuarekin sortu zen Sálvame, baina laster, kolaboratzaileen arteko zuzeneko borrokek eta haserreek programaren eduki formala alboratu zuten.

Espazio honen errentagarritasuna zela eta (izan ere, audientzia izugarria zuen eta aurrekontua urria zen), kateak formatua arratsaldetan kokatzea erabaki zuen 2009ko apirilaren 27tik aurrera, Sálvame diario izenarekin. Bertan, Supervivientes 2009 eta Operación Triunfo 2009 lehiaketen laburpenak igortzen ziren, ondoren kolaboratzaileen arteko eztabaidarekin. Pixkanaka, bihotzeko prentsako berriak txertatzen hasi ziren, ironiatik satirara zihoan ikuspegi batekin, eta publikoaren artean emaitza arrakastatsuarekin.

2022an, 13 urteko emisioaren ondoren, Salvamek audientzia-krisi larria bizi izan zuen. Ondorioz, saioko jabeek Paz Padilla eta Carlota Corredera aurkezleak baztertzea erabaki zuten. Eduki nahiz aurpegi aldetik aldaketa nabarmenak egin ziren galdutako ikusleak berreskuratzeko asmoz, eta berrikuntza handienetako bat Adela González, Terelu Campos eta María Patiño kazetariak aurkezleen plantillan sartzea izan zen. Hala ere, 2023an, Mediaset España enpresak saioa amaitutzat ematea erabaki zuen, eta azken programa urte bereko apirilaren 23an igorri zen.

Taldea[aldatu | aldatu iturburu kodea]

Aurkezleak[aldatu | aldatu iturburu kodea]

Saioaren aurkezle titularra Jorge Javier Vázquez zen. Hala ere, joaten ez zen egunetan, Paz Padillak edo Carlota Correderak aurkezten zuten telebista-programa. 2022an, Terelu Campos eta María Patiño bihurtu ziren Vázquezen ordezko. Era berean, urte horretatik aurrera, Adela González kazetari euskaldunak saioko atal bakoitzean parte hartu zuen, aurkezle-laguntzaile gisa.

Aurkezlea	Iraupena
Aurkezlea	2009	2010	2011	2012	2013	2014	2015	2016	2017	2018	2019	2020	2021	2022	2023
Jorge Javier Vázquez
Paz Padilla
Carlota Corredera
Terelu Campos
María Patiño
Adela González

Aurkezle titularra

Ordezko aurkezle puntuala

Kolaboratzaileak[aldatu | aldatu iturburu kodea]

Hainbat kolaboratzaile edo tertuliakidek osatzen zuten programa. Hauek gai ezberdinak komentatzen zituzten, eta batzuetan saioko albisteen protagonistak ere bihurtzen ziren. Azken etapan, 20 lagunez zegoen osatuta kolaboratzaile taldea, baina elkarren artean txandakatu egiten ziren. Izan ere, programa bakoitzean 6-8 tertuliakidek hartzen zuten parte. Aurpegien artean, bihotzeko prentsako pertsonaia ezagunak (Belén Esteban, Kiko Hernández edo Kiko Matamoros) eta kazetariak (Lydia Lozano, Gema López edo María Patiño) zeuden, besteak beste.

Telebista-programaren historian zehar esanguratsuenak izan diren kolaboratzaileen zerrenda azaltzen da ondorengo taulan.

Kolaboratzailea	Iraupena
Kolaboratzailea	2009	2010	2011	2012	2013	2014	2015	2016	2017	2018	2019	2020	2021	2022	2023
Belén Esteban
Kiko Hernández
Lydia Lozano
Mila Ximénez
Rosa Benito
Karmele Marchante
Pipi Estrada
Raquel Bollo
Kiko Matamoros
Terelu Campos
Rafa Mora
Víctor Sandoval
Chelo García-Cortés
Marta López
Gema López
Belén Rodríguez
Gustavo González
María Patiño
Anabel Pantoja
Jesús Manuel Ruiz
Laura Fa
Carmen Borrego
Alonso Caparrós
Antonio Montero
Carmen Alcayde