San Joan Basamortuan monasterioa

San Joan Basamortuan monasterioa
	Irudi gehiago
Kokapena
Estatu burujabe	Israel
Israelen banaketa administratiboa	Jerusalem barrutia
Hiria	Jerusalem
Koordenatuak	31°46′04″N 35°07′55″E / 31.767819°N 35.131942°E
Izena	Joanes Bataiatzailea
	Webgune ofiziala

San Joan Basamortuan monasterioa (hebreeraz: מנזר יוחנן במדבר‎) XIII. mendeko eraikin frantziskotarra da. Izenaren "basamortua"k hebreeraz abereentzako larreak adierazi nahi ditu, ez guk ezagutzen dugun basamortu kontzeptoa.

Eskaintza[aldatu | aldatu iturburu kodea]

Joan Bataiatzailea lurralde honetan bizi izan zen. Ein Karemetik gertu jaioa, tradizioaren eta Lukas ebanjelariaren arabera Joan "handitu eta indartu zen espirituan; eta basamortuan bizi izan zen Israel aurrean aurkeztu arte".^[1]

Ezaugarriak[aldatu | aldatu iturburu kodea]

Ain el-Habis izeneko iturburu baten ondoan eraikia, basoz estalia dagoen malda batean, Even Sapirren iparraldean, Jerusalemgo hegoaldean dago. Monasterioak eliza du eta leize bat non esaten den San Joan bizi izan zen; bertan kapera bat dago. Hilobi bat dago, bestetik; esaten da bertan San Joanen ama, Elisabet, lurperatuta dagoela.^[1]

Historia[aldatu | aldatu iturburu kodea]

Mamelukoen Sultanerriaren garaian eliza georgiarren eskuetan zegoen. Frantziskotarrek georgiarrei eraikinaren eta ondoko lorategiaren alokairua ordaindu zieten bertan egokitzeko. 1596an georgiarrek bide legaletik monasterioa berreskuratzen saiatu ziren azken aldiz, lortu gabe.