Sapor II.a

Wikipedia(e)tik
Hona jo: nabigazioa, Bilatu
Saporren urrezko dinar bat

Sapor II.a Handia (persieraz: شاپور دوم بزرگ‎; 309-379) sasaniar erregea 310-379 urteetan, Hormizd II.aren semea. Konstantino I.ak kristautasuna babesten zuen garaian (325), mazdakismo erlijio dualista aldezten zuen Sapor II.ak. Urte berean sinodo nazionala antolatu zuen eta harrezkero erlijio-kutsua hartu zuen ekialdearen eta mendebalaren arteko borrokak. Persiako kristauek Erroman zituzten babesleak, eta ondorioz, Persiako apezpikuak ezestea agindu zuen erregeak (340-379). 338. urtean Konstantino hil zenean piztu zen bi erresumen arteko gerra, Armenia konkistatu nahi baitzuten. Sapor II.ak Nisibis hiria setiatu zuen 340. urtean eta bere mendeko erregea izendatu zuen Konstantzio II.a enperadorearekin bake-hitzarmena sinatu ondoren. Hala ere gerra piztu zen berriro ere, eta 363. urtean Juliano enperadore erromatarra Persian barneratu zen Ktesifoneraino, baina hil egin zen gudu batean. Haren ondorengo Jovianok bakea sinatu zuen Saporrekin, eta Persiari itzuli zizkion Dioklezianok eta Galeriok Mesopotamiako ipar-ekialdean konkistatu zituzten bost probintziak.

Erreferentziak[aldatu | aldatu iturburu kodea]

Commonsen badira fitxategi gehiago, gai hau dutenak: Sapor II.a Aldatu lotura Wikidatan