Serrateko lorategiak

Serrateko lorategiak
Kokapena
Herrialdea	Euskal Herria
Probintzia	Nafarroa Garaia
Udalerria	Viana
Koordenatuak	42°30′52″N 2°22′26″W

Serrateko lorategiak (gaztelaniaz: Jardines de Serrat) Joan Manuel Serrat abeslari katalanari eskainitako parkea da, Nafarroa Garaian dagoen Viana hiriko San Pedro elizaren ondoan, garai bateko hilerrian sortua. Hiriaren panoramika ederrak eskaintzen ditu.

Ezaugarriak

Elizaren antzinako hilerria zena, defentsarako barbakana gisa erabilia eta lursailaren kontra zegoenez kontrahorma erraldoietan bermatua, parke bihurtu ederra da gaur egun. Lorategi honetatik panoramika bikainak ikus daitezke: Toloño mendilerroa, Iberiar sistema, Ebroko harana eta Logroño hiria.

Serrat Vianan

2014ko abendutik, ingurune horri Serrateko Lorategiak esaten zaio, Joan Manuel Serrat abeslari katalanari Hiriko Seme Kutunaren titulua eman ondoren. Serrat txikitatik dago Vianarekin lotuta; han etxebizitza bat du, sarritan bisitatzen du, eta, sarritan ere, ekimen desberdinen aldeko kontzertuetan parte hartu du. Lorategian monolito batek efemeride hau gogorarazten digu. Bertan, Serraten «Leku honetan ikasi nuen argia maitatzen» esaldia irakur daiteke, bere lau abestiren izenburuarekin batera: «Penelope», «Mediterraneo», «Caminante no hay camino» eta «Juan y Jose».

Kanpo estekak

• (Gaztelaniaz):Lorategiak udalaren webgunean.

• Datuak: Q123957749