Sonia Gutiérrez Raguay

Sonia Gutiérrez Raguay
Guatemalako Kongresuko kidea	;
Guatemalako Kongresuko kidea
Bizitza
Jaiotza	Palín (en) , 1981eko otsailaren 5a (43 urte)
Herrialdea	Guatemala
Hezkuntza
Heziketa	Guatemalako San Carlos Unibertsitatea
Jarduerak
Jarduerak	abokatua eta politikaria
Sinesmenak eta ideologia
Alderdi politikoa	WINAQ (alderdi politikoa)

Sonia Marina Gutiérrez Raguay (Palín, 1981eko otsailaren 5a) abokatua, giza eskubideen aldeko aktibista eta politikaria. 2020az geroztik Guatemalako Kongresuko diputatu gisa aritu da, Winaq alderdi politikoaren eskutik. Alderdi politiko horren idazkari nagusia ere bada 2017az geroztik.^[1]^[2]

Biografia[aldatu | aldatu iturburu kodea]

Gutiérrez 1981eko otsailaren 5ean jaio zen Palinen, Escuintla departamenduan. Guatemalako San Carlos Unibertsitatean abokatu eta notario gisa graduatu zen.^[2] Herri indigenen eta emakumeen giza eskubideen aldeko ekintzaile gisa egin zen ezagun.^[3]

Ibilbide politikoa[aldatu | aldatu iturburu kodea]

2010ean Winaq alderdiarekin bat egin zuen. 2011ko hauteskunde orokorretarako, Rigoberta Menchúren hautagaitza babestu zuen eta 2015eko hauteskunde orokorretan, Palingo alkate izateko aurkeztu zen, eta, orduan, laugarren postua lortu zuen 1.025 botorekin.^[3] 2017an, alderdiaren idazkari nagusi gisa hautatu zuten, eta ondoren, 2019ko hauteskunde legegileetan Winaq alderdiaren zerrendaburua izan zen maila nazionalean. Diputatu izateko hautatua izan zen eta 2020ko urtarrilaren 14an hartu zuen kargua, Kongresuaren IX. Legegintzaldian.^[1] Gutiérrezen idazkaritzapean Winaqek bere banakako emaitzarik onena lortu zuen hauteskundeetan.^[1]