Tronbosi

Wikipedia(e)tik
Hona jo: nabigazioa, Bilatu
Ohar medikoa
Oharra: Wikipediak ez du mediku aholkurik ematen. Tratamendua behar duzula uste baduzu, jo ezazu sendagilearengana.
Odol koagulu baten diagrama

Tronbosia koagulu batek, tronbo izenekoa, eragindako odol-hodi baten butxadura da, normalean hodiaren horman hazten den ateroma plaka batek eragindakoa. Plaketa edo fibrina agregatuek odol baso bat estaltzen dutenean sortzen den prozesu patologikoa ere honela izendatzen da. Miokardio infartu akutuaren eragilea izan daiteke. Tronbotik hormatik askatzen bada, enbolo izena hartuko du eta organismoaren edozein lekutara helduko da odolaren bidez, gehienetan biriketara, enbolia sorrarazteko arrsikuarekin.

Tronbosiaren eragileak[aldatu | aldatu iturburu kodea]

Tronbosia gertatzeko hiru baldintza bete behar dira:

  • Alterazio endoteliala: tronbosiaren hasiera da. Basoaren barruko egiturak zirkulazioarekin kontaktuan jartzean, plaketak itsasten zaizkie eta koagulazio faktoreak aktibatzen dituzte. Honek odol koagulazioa abiarazten du eta fibrina eta plaketetan aberatsa den lehen tronboaren eraketa gertatuko da.
  • Zirkulazio estasia: Zirkulazio geldoa dela eta, lehen tronboari eritrozito eta fibrina geruza berriak itsasten zaizkio. Tronboa hazi egiten da aposizioz, tronbo gorria sortuz. Hau fibrina eta eritrozitoz osatuta dago, plaketa gutxirekin.
  • Egoera hiperkoagulatzailea: Substantzia koagulatzaile gehiegi izateak koagulazioa errazten du, esaterako tumoreak dituzten gaixoetan.