Globulu gorri

Wikipedia(e)tik
Hona jo: nabigazioa, Bilatu
Giza hematiak

Globulu gorriak, hematiak edo eritrozitoak odolaren hiru zelula motakoetako bat dira, leukozito eta plaketekin batera.

6–8 µm-ko diametroa daukate. Gizakiengan, kopuru normala 4-6 milioi/mm3 da.

Eritrozitoen zereginik garrantzitsuena oxigenoaren garraioan datza. Oxigenoa eritrozitoek duten hemoglobina izeneko molekula bati lotzen zaio. Hemoglobina hori gorri koloreko pigmentoa da, eritrozitoei eta odolari kolore gorria ematen diona.

Giza eritrozitoek ez dute nukleorik, beste ugaztunen antzera. Anfibioen eta hegaztien eritrozitoak, berriz, nukleodunak dira.

Eritrozitoak etengabe sortzen dira hezurretako hezur-muinean (2 milioi inguru/segundoko), eritropoiesiaren bidez.

Euren gabeziak anemia dakar eta gehiegizko kopuruak eritrozitosia (edo polizitemia).

1658an Jan Swammerdam herbeheretarrak deskribatu zituen zelula hauek lehen aldiz, mikroskopioaren bidez.

Commonsen badira fitxategi gehiago, gai hau dutenak: Globulu gorri Aldatu lotura Wikidatan