Udinese Calcio

Udinese Calcio SpA

Ezizena(k)	Bianconeri ("zuri-beltzak") Zebrette ("zebratxoak")
Sorrera	1896 (A.C. Fiorentina)
Futbol zelaia	Stadio Friuli edukiera: 25.000 lagun inaugurazioa: 1976
Presidentea	Franco Soldati
Entrenatzailea	Giuseppe Iachini
Liga	Serie A
2015-16	17.a
Webgunea	Webgune ofiziala
Etxekoa 　 Kanpokoa

Udinese Calcio SpA Italiako futbol taldea da, Udine hirikoa. Italiako bigarren talderik zaharrena da, 1896an sorturikoa. Italian ez du titulurik lortu baina nazioartean bai.

Etxeko partidak Stadio Friuli estadioan jokatzen ditu.

Historia

Taldea Udine hirian sortu zen 1896an Società Udinese di Ginnastica e Scherma izenarekin. 1922an Italiako lehenengo futbol Kopa antolatu zen eta Udinese finalera iritsi zen, baina FC Vadok luzepenan sarturiko golari esker gainditu zuen.

1955 urtean Ligako emaitzarik onena lortu zuen, bigarren postua eskuratu baitzuen AC Milanen atzetik.

Hurrengo bi hamarkadak Serie B mailan pasa zituen eta 1978an Kopa Anglo-Italiarra eta 1980an Mitropa Kopa irabazi zituen. Hurrengo urteetan lehen mailan mantentzea lortu zuen baina 1986an ustelkeria kasuek ondorioz bederatzi puntu kendu eta maila galdu zuen.

1996an itzuli zen goren mailara eta 1998an ligan hirugarren postua eskuratu zuen. 2000an UEFA Intertoto Kopa irabazi zuen. Azken emaitza aipagarria 2012ko ligako hirugarren postua izan da.

Palmaresa

Italian: 0

• Italiako futbol liga (0): bigarren 1955ean eta hirugarren 1998 eta 2012an.
• Serie B (1): 1925.
• Italiako futbol kopa (0): finalista 1922an.

Nazioartean: 3

• Mitropa Kopa (1): 1980.
• Kopa Anglo-Italiarra (1): 1978.
• UEFA Intertoto Kopa (1): 2000.

Ikus, gainera

• Italiako futbol taldeen zerrenda

Kanpo loturak

Wikimedia Commonsen badira fitxategi gehiago, gai hau dutenak: Udinese Calcio

• (Italieraz) Taldearen webgune ofiziala