Veni, vidi, vici

Wikipedia(e)tik
Hona jo: nabigazioa, Bilatu

Veni, vidi, vici, (euskaraz etorri, ikusi eta garaitu nuen), K. a. 47. urtean Julio Zesar erromatar jeneral eta kontsulak Farnazes II.a Pontokoaren Zelako guduko garaipena deskribatuz Erromako Senatuari zuzendu zion latinezko esaldia da. Aldi berean, aipamen lakoni honek Zesarren erabateko garaipena aldarrikatzen zuen eta Senatuari bere trebezia militarra oroituarazten zion (Zesar oraindik gerra zibil batean borrokatzen baizebilen). Bestalde, aipamen hau Zesarren senatu patrizioaren (optimates) aurkako mespretxu adierazpenatzat jo daiteke, ohituraz senatua Antzinako Erromatar Errepublikaren talde boteretsua baitzen.