Wikipedia:Politikak
Wikipedia(e)tik
 |
Orrialde honek, euskal Wikipediako politika ofizial bat azaltzen du Lankideek onartutako arauak dira, eta beraz, lankide guztiek bete beharko dituzte |
 Wikipediako tutoriala |
| Artikuluak idatzi... |
| Wikipediako hitzarmenak... |
|
Estilo gida |
| Ikus, gainera... |
| Wikipedian sakontzeko >> |
Wikipediak abian daramatzan urteetan zehar, horretan lagundu dioten politika batzuk garatu ditu. Orrialde honek, wikipediako politiken oinarrizko informazioa azaltzen dizkizu.
Orokorrean, Euskaltzaindiaren (Euskararen Akademia Ofiziala) arauak dira jarraitu beharrekoak hizkuntzari dagokionez, kasu gutxi batzuetan izan ezik. Hauek bozketa baten bidez adostu beharko dira. Laguntza behar baduzu, hona hemen euskaltzaindiaren webgunea:
Eman begiratu bat zerikusia duten beste orri hauei:
- Artikuluen edukiak jarraitu beharreko irizpideak.
- Irudien erabilpenari buruzko politikak.
- Lankideak eta Lankideen izenak.
Eduki-taula |
[aldatu] Izenburuekin loturiko politikak
| Wikipediako politika nagusiak |
| Politiken orriak... |
|
Bost zutabeak |
| Ikus, gainera... |
[aldatu] Tildeak erabiltzea
Artikuluen izenburu zein edukierari dagokionez; jatorrizko hizkuntzan tildea daramaten hitzak, eta beti-ere euskarazko izenik ez badago, tildea eramango dute. Ikus bozketa.
[aldatu] Euskal izen-abizenen idazkera
Euskal abizen edo euskal abizenatzat hartu daitezkeen abizenak eta erdarazko grafiaz idazten direnak (Elcano, Urchueguía, Etcheverria etab.) Wikipedian euskaraz idaztearen aukera (Elkano, Urtxuegia, Etxeberria) bozkatu zen. Ondorioa, abizenak berezko grafian mantentzea izan zen. Beraz, Ormaechea ez da Ormaetxea-ra itzuliko.
[aldatu] Deklinabidean marratxoa jarri edo ez
Wikipedia idazten gaudela askotan deklinazioak egin behar dira tituluetan bertan (adibidez: Schrödinger-en katua). Bozkatu zena, marratxoa jarri edo ez izan zen; eta ondorioa, marratxoak ez jartzea izan zen.
[aldatu] Amaierako a artikulua
Eztabaida ugari sortzen dira orrialdeen izenak amaieran a artikulua noiz izan behar duten erabakitzerakoan. Bozketa honetan proposatu zena zera da: Letra larriz idatzi ez arren, sarrera entziklopedikoak izanez bakarrak diren orrialde izenei artikulua mantentzea. Ondorioan esandako proposamen hau aurrera irten zen.
[aldatu] Noiz ez jarraitu euskaltzaindiaren arauak
Honako hauetan euskaltzaindiaren arauak ez jarraitzea erabaki da Wikipedian:
[aldatu] Frantziako eskualde eta departamenduen izenak
Bozketa honetan adostu zen bezala, ez da jarraituko euskaltzaindiaren 36. araua bozketan azaldutako arrazoiak direla eta.
[aldatu] Administratzaile eta burokratak aukeratzeko politikak
Artikulu nagusia: Wikipedia:Administratzaile izateko baldintzak
Jarraian azaltzen diren puntuek Euskarazko Wikipedian behar ditugun administratzaile eta burokrata kopurua, eta hauek zeintzuk izango diren definitzeko politikak azaltzen dituzte:
- Administratzaile izateko, lankideak aktiboa izan beharko du eta Wikipedian erregulartasunez parte hartu, komunitateak erabakiko duelarik aktibotasun nahikoa duen administratzaile izateko edo ez.
- Administratzaile izateko, lankideak esperientziaduna izan beharko du, aldaketa kopuru minimo batekin zehaztuko dena (600). Dena den, esperientzia ez da bakarrik aldaketa kopuruarekin baloratuko, komunitatearen iritziak izango du azken hitza.
- 5.000 artikuluko gutxienez administratzaile edo burokrata aktibo bat egon beharko da.
- Hiru administratzaile aktiboko, burokrata aktibo bat egon beharko da gutxienez.
- Burokrata izateko, aurretik administratzaile izan beharko da.
- Administratzaile edo burokrata izateko leku baino hautagai gehiago badaude, administratzaile edota burokratak lankideen arteko bozketa bidez aukeratuko dira.
