2007ko Galesko Biltzar Nazionalerako hauteskundeak

2003←					→2011
2007ko Galesko Biltzar Nazionalerako hauteskundeak

2007ko maiatzaren 3a

Galesko Biltzar Nazionaleko 60 eserlekuak 31 eserleku gehiengo osorako
Parte-hartzea		%43,7			▲%5,5

	Galesko Alderdi Laborista Rhodri Morgan
	Barruti bozak		314.925	%32,2	▼7,8
	Eskualde bozak		288.954	%29,6	▼7,0

	Eserlekuak			26	▼4

	Plaid Cymru Ieuan Wyn Jones
	Barruti bozak		219.121	%22,4	▲1,2
	Eskualde bozak		204.757	%21,0	▲1,3

	Eserlekuak			15	▲3

	Galesko Alderdi Kontserbadorea Nick Bourne
	Barruti bozak		218.730	%22,4	▲2,5
	Eskualde bozak		209.153	%21,4	▲2,3

	Eserlekuak			12	▲1

	Galesko Liberal Demokratak Michael German
	Barruti bozak		144.450	%14,8	▲0,7
	Eskualde bozak		114.500	%11,7	▼1,0

	Eserlekuak			6	=


Ezkerrean barruti bakoitzeko alderdi irabazlea ikus daiteke. Eskuinean eskualde bakoitzeko zerrenda bozen bidez hautatutako biltzarkideak ikus daitezke.

Lehen Ministroa hauteskundeen aurretik:		Hautaturiko Lehen Ministroa:
Rhodri Morgan Laborista		Rhodri Morgan Laborista

2007ko Galesko Biltzar Nazionalerako hauteskundeak urte bereko maiatzaren 3ean izan ziren, eta Galesko Biltzar Nazionalerako hirugarren hauteskundeak izan ziren. Hauteskunde horien bidez Biltzar Nazionalaren III. legealdiko 60 biltzarkideak hautatu ziren, zeinetatik 40k hautesbarruti bana ordezkatzen zuten. Egun ber-berean Eskoziako Legebiltzarrerako hauteskundeak eta Ingalaterrako eta Eskoziako udal hauteskundeak izan ziren.

Hauteskunde hauetan Plaid Cymruk botoak eta eserlekuak irabazi zituen, batez ere Alderdi Laboristaren kalterako. Hala ere, Laboristak Biltzarreko lehen indarra izateari eutsi zioten, bigarren indarrari alde zabalarekin gailenduz. Hauteskundeen aurretik, Plaid Cymruk Biltzar Nazionalak eskumen gehiago lortzeko erreferendum bat egitea jarri zuen edozein koaliziotan sartzeko baldintza gisa.

Hauteskundean izan baino lehen hiru koalizio gobernu posible aztertu ziren kanpainan zehar: Laborista-Liberal Demokrata, Laborista-Plaid Cymru, eta Plaid Cymru-Liberal Demokrata-Kontserbadorea. Azken aukera hori eztabaidatzeko negoziazioak izan ziren hiru alderdien artean, baina adostasunik lortu ez zutenez eztabaidak eten ziren, eta azkenean Laboristek eta Plaid Cymruk koalizio bat osatzea adostu zuten "Gales Bat" (One Wales) itunarekin.

Hauteskunde legea[aldatu | aldatu iturburu kodea]

Sakontzeko, irakurri: «Ordezkaritza proportzional misto»

Galesko Biltzar Nazionalerako hauteskundeetan ordezkaritza proportzional mistoa (MMP) da erabiltzen den hauteskunde sistema. Biltzar Nazionaleko 60 biltzarkideetatik 40 hautesbarrutien bidez hautatzen dira, eta gainerako 20ak D'Hondt metodoa MMP sistemara aplikatuz.

Gales 40 hautesbarrutitan dago banatuta (Komunen Ganberarako hauteskundeetako hautesbarruti ber-berak), eta hautesbarruti horiek 5 eskualde osatzen dituzte: Gales Erdialdea eta Mendebaledea, Ipar Gales, Hego Gales Mendebaldea, Hego Gales Erdialdea, eta Hego Gales Ekialdea. Hautesleek bi boto eman behar dituzte: "barruti botoa", haien hautesbarrutiko ordezkaria hautatzeko; eta "zerrenda botoa" edo "eskualde botoa", haien eskualdeko 4 ordezkariak hautatzeko. Bi boto horiek ez dute zertan alderdi berarentzat izan, eta ondorioz alderdien barruti boto kopurua eta zerrenda boto kopurua normalean ez da berdina izaten.

Emaitzak[aldatu | aldatu iturburu kodea]

← 2007ko Galesko Biltzar Nazionalerako hauteskundeak^[1] →

Alderdia		Ordezkaritza proportzional mistoa										Eserlekuak guztira
		Hautesbarrutiak					Eskualdeak					Eserlekuak guztira
		Bozak	%	+/-	Eser.	+/-	Bozak	%	+/-	Eser.	+/-	Guztira	+/-
	Galesko Alderdi Laborista (Lab)	314.925	32,2	-7,8	24	-6	288.954	29,6	-7,0	2	+2	26	-4
	Plaid Cymru (PC)	219.121	22,4	+1,2	7	+2	204.757	21,0	+1,3	8	+1	15	+3
	Galesko Alderdi Kontserbadorea (Con)	218.730	22,4	+2,5	5	+4	209.153	21,5	+2,3	7	-3	12	+1
	Galesko Liberal Demokratak (LibDem)	144.450	14,8	+0,7	3	=	114.500	11,7	-1,0	3	=	6	=
	Britainiar Alderdi Nazionala (BNP)						42.197	4,3	+3,9	0	=
	Erresuma Batuaren Independentziaren Alderdia (UKIP)	18.047	1,8	-0,5	0	=	38.490	3,9	+0,4	0	=
	Ingalaterra eta Galesko Alderdi Berdea (GPIW)						33.803	3,5	=	0	=
	Alderdi Laborista Sozialista (SLP)						12.209	1,3	+0,1	0	=
	Independenteak	29.699	3,0	+2,4	1	=	9.350	1,0	N/A	0	=	1	=
	Galesko Alderdi Kristaua						8.963	0,9	N/A	0	=
	Britainiako Alderdi Komunista (CPB)						3.708	0,4	+0,3	0	=
	Jende Kristauen Aliantza (CPA)						2.694	0,3	N/A	0	=
	Alternatiba Sozialista						1.865	0,2	N/A	0	=
	Errespetu Alderdia						1.792	0,2	N/A	0	=
	Demokrata Ingelesak	1.867	0,2	N/A	0	=	1.655	0,2	N/A	0	=
	Veritas						505	0,1	N/A	0	=
	Berdintasun Sozialista Alderdia						292	0,0	N/A	0	=
	Blaenau Gwenteko Herritarren Ahotsa	3.348	0,3	N/A	0	=
Guztira		978.132	100		40		974.884	100		20		60