Angelina Melnikova

Angelina Melnikova
	; Irudi gehiago
Bizitza
Jaiotza	Voronezh, 2000ko uztailaren 18a (24 urte)
Herrialdea	Errusia
Hezkuntza
Heziketa	Smolensk State University of Sports (en)
Hizkuntzak	errusiera
Jarduerak
Jarduerak	gimnasta artistikoa
	Parte-hartzailea gymnastics at the 2016 Summer Olympics (en) ; Gimnastika 2020ko Udako Olinpiar Jokoetan - Emakumezkoak bakarka aparatu guztiak (3.); gymnastics at the 2016 Summer Olympics – women's artistic team all-around (en) (2.); Gimnastika 2020ko Udako Olinpiar Jokoetan - Emakumezkoak artistikoa taldeka (1.); Gimnastika 2020ko Udako Olinpiar Jokoetan - Emakumezkoak zorua (3.); Gimnastika 2020ko Udako Olinpiar Jokoetan - Emakumezkoak zaldi-jauzia (5.); Gimnastika 2020ko Udako Olinpiar Jokoetan - Emakumezkoak barra asimetrikoak (8.) ;
Pisua	44 kilogramo
Altuera	1,51 metro
Jasotako sariak	ikusi Medal of the Order "For Merit to the Fatherland", 1st class (2016) ; Honored Master of Sports of Russia (2016) ; Order of Friendship ;

Angelina Romanovna Melnikova,^[1] errusieraz: Ангели́на Рома́новна Ме́льникова, (Voronezh (Errusia) 2000ko uztailaren 18a) gimnasta-artistiko errusiarra da.^[2]. Aurretik, Errusia ordezkatu zuen 2016 eta 2018ko Europako Txapelketetan urrezko dominak irabazi zituzten talde errusiarretako kide ere izan zen, eta 2018ko eta 2019ko Munduko Gimnasia Txapelketetan zilarrezko dominak irabazi zituzten talde errusiarretako kide.

Europako Txapelketetan bederatzi aldiz banakako domina jaso ditu, Europako Jokoetan lau aldiz irabazle izan da, eta 2018ko txapeldun nazionala. Juniorren mailan ere, Melnikovak urrezko dominak irabazi zituen 2014ko Europako Txapelketetan, taldeka, tresna guztietan eta oreka-barrako ekitaldietan, eta Errusiako txapeldun nazionala izan zen 2014. urtean. Errusiako emakumeen gimnasia nazionaleko taldeko kapitaina izan da 2017az geroztik. 2019ko Europako Jokoetako tresna guztietako eta barra asimetrikoetako txapelduna izan zen, lurreko ariketan Europako 2017. urteko txapelduna eta barra asimetrikoetako 2021eko Europako txapelduna izan zen.

Olinpiar Jokoak

2016ko Udako Olinpiar Jokoetan (Londres) zilarrezko domina irabazi zuen talde-lehian. 2020ko Tokioko Olinpiar Jokoetan (Tokio), talde-lehiaketan, urrezko domina eman zion ROC taldeari; honako hauek osatzen zuten gimnasta taldea: Lilia Akhaimova, Viktoria Listunova, Angelina Melnikova eta Vladislava Urazovak. Bakarka, 2020ko Udako Olinpiar Jokoetako brontzezko bi domina irabazi zituen: Aparatu guztiak emakumezkoen kategorian eta Zorua emakumezkoen kategorian. Kontuan izan, NOBek (Nazioarteko Olinpiar Batzordea) ezarritako zigorra zela medio, Tokioko 2020ko Udako Olinpiar Jokoetan, errusiar kirolariek ezin izan zutela Errusiaren izenean esku hartu eta ROCen (Russian Olympic Committee) izenean eta banderapean lehiatu zirela.^[3]

Udako Olinpiar Jokoetako emaitzak

Udako Olinpiar Jokoak
Urtea	Lekua	Domina	Proba
2016	Rio de Janeiro Brasil	02 !	Taldeka, emakumezkoa.
2020	Tokio Japonia	01 !	‘’Taldeka’’, emakumezkoa.
2020	Tokio Japonia	03 !	‘’Aparatu guztiak’’, emakumezkoa.
2020	Tokio Japonia	03 !	‘’Zorua’’, emakumezkoa.