Perl

Perl
	Irudi gehiago
Jatorria
Sortzailea(k)	Larry Wall
Sorrera-urtea	1987
Argitaratze-data	1987
Azken bertsioa	5.40.0
Ezaugarriak
Programazio-lengoaia	C
Programazio paradigma	multi-paradigm programming (en)
Sistema eragilea	Linux, MacOS X, Microsoft Windows, Solaris, AIX eta HP-UX (en)
Egile-eskubideak	copyrightduna
Lizentzia	Artistic License (en) eta GNU General Public License, version 1.0 or later (en)
Deskribapena
Honen eragina jaso du	C++, C, sed (en) , AWK (en) , BASIC, Lisp eta Unixeko shell
Ekoizpena
Diseinatzailea	Larry Wall
Garatzailea	Larry Wall eta The Perl Foundation (en)
Maskota	Perl Camel (en)
	perl.org
Iturri-kodea	http://perl5.git.perl.org/perl.git eta https://github.com/Perl/perl5

Perl Larry Wallek sortutako programazio lengoaia dinamikoa da, 1987an argitaratutakoa. Beste programazio lengoaia batzuen ezaugarriak bateratzen ditu, hala nola, C, Shell script, AWK, sed eta Lisp.

Testu fitxategiak aztertu eta manipulatzeko bereziki sorturiko programazio-lengoaia da Perl, egokia beraz egokirik bada hizkuntzarekin erlazionatutako atazetarako. Fitxategiak lerroz-lerro irakurtzeko gai da eta karaktereak eta hitzak bezalako terminoak maneiatzen ditu. Adierazpen erregularren bitartez testuetan bilaketak eta aldaketak egiteko izugarrizko tresneria eskaintzen du.

Perl software-librea da eta doakoa. Konputagailu eta sistema eragile guztientzat aurki daiteke doako Perl inplementazioa.

Perl lankidetzan oinarritua dago. CPAN software artxibategiak Perl komunitateak idatzitako programak biltzen ditu, eta doan jaitsi eta erabil ditzakegu. Haietako asko testuak prozesatu eta manipulatzeko gehigarriak (moduluak) dira.

Perl lengoaiaren sortzailea den Larry Wall hizkuntzalariarenak dira aipu hauek: “Perl egin behar duzun hori egiteko lengoaia da”, “Errazak diren gauzak errazak izan behar lukete, eta zailak berriz posible”, “Gauza bera egiteko modu bat baino gehiago dago”

Sintaxia

Kaixo mundua adibidea:

print "Hello, world!\n"

Berez aldagaiak erazagutzeko beharrik ez dago Perl lengoaian. Baina hori nahiko praktika arriskutsua denez komeni da programa hasieran bi sententzia hauek jartzea, txarto idatzitako aldagai-izenak gaizki ulertuak izan ez daitezen:

use warnings;
use strict;

Liburuak

Aitzol Astigarraga Pagoaga, Koldo Gojenola Galletebeitia, Kepa Sarasola Gabiola eta Aitor Soroa Etxabe. TAPE Testu-analisirako PERL erremintak UEU 2009.
Randal L. Schwartz eta Tom Phoenix, Learning Perl (5th edition), O'Reilly Press 2008. Perl lengoaiaren ikasketan hasiberria denarentzat abiapuntu egokia.
LarryWall, Tom Christiansen and Jon Orwant, http://oreilly.com/catalog/9780596000271[ Programming Perl (3rd edition)], O’Reilly and Associates, 2000. Primerako erreferentzia liburua, nahiz eta hasiberrientzako gogor samarra gerta litekeen.
Michael Hammond, Programming for Linguist. Perl for language researchers, Blackwell Publishing 2003. Liburu zoragarria, Perl lengoaiaren oinarriak erakusten ditu hizkuntzaren azterketarako aplikazioetan indar eginaz.
Tom Christiansen eta Nathan Torkington, The Perl Cookbook, O’Reilly and Associates, 2003. Errezeta liburua, programazio-ataza andana eta hauen soluzio ezberdinak biltzen dituena. Programatzen esperientzia duenarentzat egokia, adibide praktikoz hornitua.