Camila Morrone
| Camila Morrone | |
|---|---|
 (2019) | |
| Bizitza | |
| Jaiotza | Los Angeles, 1997ko ekainaren 16a (27 urte) |
| Herrialdea |  Ameriketako Estatu Batuak |
| Lehen hizkuntza | ingelesa Salvadoran Spanish (en)  |
| Familia | |
| Aita | Maximo Morrone |
| Ama | Lucila Solá |
| Bikotekidea(k) | ikusi
|
| Familia | |
| Hezkuntza | |
| Heziketa | Beverly Hillseko bigarren hezkuntza institutua |
| Hizkuntzak | ingelesa gaztelania |
| Jarduerak | |
| Jarduerak | modeloa eta aktorea |
     | |
Camila Rebeca Morrone Polak (1997ko ekainaren 16a) jatorri argentinarreko aktore eta modelo estatubatuarra da.[1] Bukowski (2013) James Francoren filmean aktore gisa hasi zen. Death Wish eta Never Goin' Back filmetan ere parte hartu zuen, eta 2018ko urtarrilean Sundance Zinemaldian izan zuen nazioarteko garrantzizko lehen saria.
Biografia
Camila Rebeca Morrone Polak 1997ko ekainaren 16an jaio zen Los Angelesen, Estatu Batuak. Lucila Polak argentinarren eta Máximo Morrone modeloaren lehen alaba eta bakarra da. Gurasoak banandu egin ziren 2006an. Haren amak epe luzeko harremana izan zuen Al Pacino aktore estatubatuarrarekin 2007tik 2015era arte, eta, inoiz ezkondu ez ziren arren, Morronek Pacino aitaordearekin du harremana. Bere ama-aitona Federico Polak politikari eta abokatu argentinarra da eta bere izeba Julia Polak britainiar patologoa zen, Argentinan jaioa.[2] Morrone Beverly Hills High School-en graduatu zen 2015. urtean.
Karrera profesionala
Modeloa
Txikitatik, Morronek modaren munduan sartzeko interesa agertu zuen, eta modelo-agentziaren batean sartzeko irrikaz zegoela adierazi zuen.[3] Ondoren, kontratu bat sinatu zuen IMG Models agentzia ezagunarekin. Hala ere, jauzi handia egin zuen 2016. urtean, Vogue Turkia aldizkariaren iraileko azala izatea lortu zuenean. Handik gutxira, ibiltokian debuta egin zuen Moschinorako desfilean, 2017an. Gainera, Topshop, Lefties, Pink, Sephora eta 'Ay Not Dead markentzat egin du lan.
Aktorea
Morronek aktore-debuta egin zuen James Francoren Bukowski (2013) filmean. 2018an, Death Wish akzio-filmean parte hartu zuen berriro, Bruce Willis-ekin batera, eta Augustine Frizzellen Never Goin' Backen ere hartu zuen parte.[4][5][6] Azken film hau 2018ko Sundance Zinemaldian estreinatu zen, A24 taldeak banandua.[7] Daisy Jones & The Sixerako hautatu ondoren, Morronek adierazi zuen modelo lanak utzi eta aktore gisa jarraituko zuela.[8]
Bizitza pertsonala
2017. urtearen amaieratik, Leonardo DiCapriorekin harreman sentimentala zuen, baina 25 urte zituela amaitu zen, 2022ko abuztuan.[9]
Hainbat pertsona ospetsuren lagun hurbila da; besteak beste, Kendall eta Kylie Jenner, Bella Hadid, Hailey Baldwin eta Oriana Sabatini.[10]
Erreferentziak
- ↑ https://www.vogue.com/article/model-cami-morrone-victorias-secret-pink-workout-diet-tips-eyebrow-grooming
- ↑ Wagoner, Mackenzie. (27 de abrio de 2016). «Meet Cami Morrone, the Breakout Instagram Star With a Body to Match» Vogue.
- ↑ «Camila Morrone, la hijastra de Al Pacino: "Tengo sangre argentina y soy muy pasional"» Infobae.
- ↑ N'Duka, Amanda. (7 de octubre de 2016). «Eli Roth’s ‘Death Wish’ Adds Kimberly Elise and Camilla Morrone» Deadline Hollywood.
- ↑ «Never Goin' Back» Sundance Film Festival (The Sundance Institute).
- ↑ «2018 Sundance Film Festival: Feature Films Announced» Sundance Film Festival (The Sundance Institute) 29 November 2017.
- ↑ Kroll, Justin. (7 March 2018). A24 Lands Rights to Sundance and SXSWPic 'Never Goin' Back' (EXCLUSIVE). Penske Business Media.
- ↑ Duboff, Josh. (February 2020). The Young and the Restless. , 89 or..
- ↑ Leonardo DiCaprio y Camila Morrone se dejaron ver muy juntos en Coachella | E! Online Latino | Andes. .
- ↑ Eckardt, Stephanie. Who Is Camila Morrone, the 20-Year-Old Leo DiCaprio Can't Get Enough Of?. .
Kanpo estekak
| Autoritate kontrola |
|
|---|
Datuak: Q27449526
Multimedia: Camila Morrone / Q27449526