Adardun
Adardun bat beste pertsona batekin edo batzuekin harremana duen bikotekidea da.[1] Beraz, adarduna emakumea zein gizona izan daiteke.[2] Harreman horiek ezagunak edo ezkutuak izan daitezke. Erabilera fetitxistan, adardun bat bere bikotekidearen "desleialtasun" sexualaren konplize da, eta horren bidez plazera lortzen du.[3]
Adardunak, sarritan, gizarte mailan barregarriak dira. Askotan ere denigratuak dira. Literaturan zein zineman sarritan erabili den gaia da.
Kontzeptuaren jatorria[aldatu | aldatu iturburu kodea]
Ez dago garbi eta hipotesi desberdinak daude baina beti metaforikoki hitz egiten da, engainatutako bikotekidea adarrak dituzten animaliekin parekatuz. Bertsio asko daude "jarri adarrak" esamoldearen jatorriari buruz. Litekeena da gertaera mitologikoen interpretazio burleskoari lotuta egotea, bekatua deabruaren irudiarekin lotzeko ideia kristauari lotuta.[4]
