Adimen-urritasuna, batzuetan adimen-atzeratasuna ere deitua, pertsona baten adimenaren mugak nahiz komunikatu eta bere buruaz arduratzeko arazoak jasotzen dituen terminoa da. Adimen-urriko haur batek besteek baino garapen kognitibo eta ikaskuntza motelagoa izaten du eta hortik dator adimen-atzeratasun terminoa. Batzuetan, atzeratasunarekin batera, gizaki normal batek izaten dituen trebezia zenbait ez garatzea ekar dezake adimen urritasuna. Definizioa zehaztearren, adimen kozientea 70 baino txikiagoa duten pertsonak hartu izan dira adimen-urrikotzat. Horrela, populazioaren %3ak adimen-urritasun mota bat duela zenbatetsi da.
Adimen-urritasunak arrazoiak anitz izan daitezke: genetikoak (Down sindromea, kasu), haurdunaldian izandako arazoak (alkoholdun-edariak maiz edateagatik, besteak beste) edo haurrak pairatzen dituen gaixotasunak eraginda (meningitisaren kasuan, esaterako).
, cognitive deficit (en) 
Datuak: Q183560
Multimedia: Intellectual disabilities / Q183560