Agustin Asenjo

Wikipedia, Entziklopedia askea
Hona jauzi: nabigazioa, Bilatu
Agustin Asenjo
Bizitza
Jaiotza 1936ko abuztuaren 28a (81 urte)
Jarduerak

Agustin Asenjo Guillen (1936ko abuztuaren 28a) jatorria Berbintzanan duen pilotari amateur edo ez-profesionala da. Iruñean eta inguruko herrietan egin du ospea, heroi lokal bihurtu arte. Partida historikoak jokatu zituen Labrit pilotalekuan, gehienetan pala motzean, Pepe Musi mexikarra, Utge argentinarra eta Euskal Herriko beste aunitz pilotari ezagunen eta ezezagunen aurka.

Utge eta Leyenda Munduko Txapelketa irabazi berriak zirelarik, Iruñera etorri eta Asenjok desafioa bota zuen haien aurka. Utgek baietz eta Labriten jokatu zuten partida pala motzean, goiz batez. Hasieran argentinarra aurrera, gero Asenjo, eta azkenik pilotari nafarra nagusitu zen, 55 eta 51 irabaziz[1].

Asenjo, ezagutzen dutenek ongi dakitenez, pala motzean txapeldun izan zitekeen, baina ez zuen inoiz eta ez inongo federazioren izenean jokatu nahi izan. Ez eta profesional izatera pasa, eskaintzak izan bazituen ere. Pala zaleek Iturri handiaren aurka ikusteko irrikan egoten baziren ere, gauzatu ezin zitekeen partida zen hura. Sarritan profesional izandako pilotari nafarren aurka ere jokatu ohi baitzuen, (Andueza, Antoñana, Zia, Mandagaran, Iriarte...), hala nola punta puntako pala motz jokalariren aurka ere, Etxandi, Itarte, Ezponda, Mendiluze, Egaña edo Zarraga, kasurako.

Urte askoan, astero egiten zituen partidak Iruñeko Labriten, eta jendez lepo egon ohi ziren harmailak. Partida bereziak ere jokatu zituen sarri. Bizkarrean bankua loturik zeramala, arerioari sakea libre utziaz, kontrakantxa eta guzti, berak ezkerrez sakatuz ere.

Erreferentziak[aldatu | aldatu iturburu kodea]

  1. Frontón aldizkaria, 87. zkia, 1975eko apirila