Aleksandr Suvorov (psikologoa)
Aleksandr Suvorov (psikologoa) | |
---|---|
![]() | |
Bizitza | |
Jaiotza | Bixkek, 1953ko ekainaren 3a |
Herrialdea | ![]() ![]() |
Heriotza | 2024ko urtarrilaren 26a (70 urte) |
Hezkuntza | |
Heziketa | MSU Faculty of Psychology (en) ![]() |
Hezkuntza-maila | Doktor Nauk in Psychology (en) ![]() |
Tesi zuzendaria | Felix Mikhailov (en) ![]() |
Hizkuntzak | errusiera |
Jarduerak | |
Jarduerak | psikologoa eta poeta |
Enplegatzailea(k) | University of Russian Innovation Education (en) ![]() Moscow State University of Psychology and Education (en) ![]() Moscow State Pedagogical University (en) ![]() |
suvorov.reability.ru eta avsuvorov.ru |
Aleksandr Vasilievitx Suvorov[1] (errusieraz: Александр Васильевич Суворов; Frunze, 1953ko ekainaren 3a – 2024ko urtarrilaren 26a) sobietar eta errusiar psikologo eta irakaslea izan zen.
Bizitza[aldatu | aldatu iturburu kodea]
Aleksandr Suvorov Frunzen (gaur egun Bixkek) jaio zen 1953an. Friedreichen ataxiaren ondorioz[2], hiru urterekin ikusmena galdu zuen eta bederatzi urterekin entzumena[3][4].
Hasiera batean Frunzeko itsuen eskolan ikasi zuen, eta 1964tik 1971ra Zagorskeko gor-itsuen barnetegian. 1971n Moskura bidali zuten, SESBeko Zientzia Pedagogikoen Akademiako itsu-gorrak aztertzeko laborategiko talde esperimentalean parte hartzeko («Zagorskeko esperimentua»)[3], Juri Lerner, Sergei Sirotkin eta Natalia Korneievarekin batera[5]. 1972an, esperimentuaren baitan, laurak Moskuko Estatuko Unibertsitateko psikologia fakultatean sartu ziren eta 1977an lizentziatu ziren[3]. Baldintza bereziak jarri zizkieten unibertsitatean ikasteko, eta ikasle bakoitzak interprete pertsonal bat zuen. Gainera, unibertsitateak dirua eman zien Braille sisteman inprimatutako testuliburuak erosteko eta irakasgai batzuetatik salbuetsi zituen[2]. Lau parte-hartzaileek 6 urteko epean amaitu zituzten ikasketak, desgaitasunik ez zuten ikasleek baino urtebete geroago[6].
1994ko martxoaren 31n, Suvorovek hautagai-tesia defendatu zuen Errusiako Hezkuntza Akademiako Psikologia Institutuan, eta 1996ko maiatzaren 21ean doktore-tesia[2][7]. Susquehanna Unibertsitateko honoris causa doktoretza ere lortu zuen[8].
Doktoretza lortu ondoren, Moskuko Estatu Unibertsitate Pedagogikoko defektologia fakultatean lan egiten hasi zen[2]. Moskuko Psikoanalisi Institutuan eta Errusiako Unibertsitate Ortodoxoan ere eman zituen hitzaldiak[8]. 270 idazlan baino gehiago argitaratu zituen, 9 liburu barne[3][8]. 2015az geroztik, Gor-Itsuen Familien Elkartearen presidentea izan zen[8].
2024ko urtarrilaren 26an hil zen, 70 urte zituela[3].
Erreferentziak[aldatu | aldatu iturburu kodea]
- ↑ 156. Alfabeto zirilikoz idatzitako izenak euskarara aldatzeko transkripzio-sistema. Gasteiz: Euskaltzaindia (argitaratze data: 2009-02-27) (Noiz kontsultatua: 2024-06-27).
- ↑ a b c d (Errusieraz) ««Возьмите меня домой!». Интервью с Александром Суворовым» Со-единение. Фонд поддержки слепоглухих 2020-11-10 (Noiz kontsultatua: 2024-06-27).
- ↑ a b c d e (Errusieraz) «Ушел из жизни Александр Васильевич Суворов» Московский государственный психолого-педагогический университет 2024-01-26 (Noiz kontsultatua: 2024-06-27).
- ↑ (Errusieraz) Волкова, Бэлла; Чалабова, Габриэла. «Человечность и пенопласт. Как живет слепоглухой профессор психологии» ТАСС 2018-11-13 (Noiz kontsultatua: 2024-06-27).
- ↑ (Errusieraz) Пущаев, Ю. В. (2013). «История и теория Загорского эксперимента. Начало (I)» Вопросы философии 3: 132-147. (Noiz kontsultatua: 2024-06-27).
- ↑ (Errusieraz) Федосеева, Елена. ««Загорский эксперимент»: быт и учеба знаменитой четверки слепоглухих студентов» Особый взгляд 2019-09-16 (Noiz kontsultatua: 2024-06-27).
- ↑ (Errusieraz) «Суворов Александр Васильевич» Psyjournals.ru (Noiz kontsultatua: 2024-06-27).
- ↑ a b c d (Errusieraz) «Александр Васильевич Суворов» Психологическая газета (Noiz kontsultatua: 2024-06-27).