Andosillako Pasio Biziduna

Andosillako Pasio Biziduna
Jatorria
Ezaugarriak
Kokapena
Herrialdea	Euskal Herria
Probintzia	Nafarroa Garaia
Udalerria	Nafarroa Garaia
Koordenatuak	42°22′37″N 1°56′31″W

Andosillako Pasio Biziduna Nafarroa Garaiko hego-mendebaldeko Andosilla herrian Aste Santuan egiten den Jesusen pasioaren antzezpena da. Ostiral Santuaren goizeko hamarretan egiten da, aktoreak herriko pertsonak izanik. Antzezpenaren lekuak Alde Zaharreko kaleak dira. Antzezpenak 75 minutu irauten du eta gaztelaniaz egiten da. Emankizunaren prestaketan ehun pertsonak inguru hartzen dute parte. Herriko kaleak, kristo ondorengo 33. urteko Jerusalem antzera apaintzen dira.

Historia

Andosillako gurutze-bide bizidunaren jatorria garai hartan Andosillako parroko Javier Leoz Venturak eta egungo eszena-zuzendari José Ramón Gurpeguik egin zuten San Joanen Ebanjelioaren egokitzapen batean dago. Hortik sortu zen "Marcha Joven" elkartea, ordutik eszenaratzeaz arduratzen dena. Lehen teatralizazioa 1991n egin zen. 2022an antzezpenaren 30. urtemuga ospatu zen.

Antzezpena

Lanean ohiko pertsonaiak agertzen dira: Jesus, Andre Maria, Pontzio Pilatos, Barrabas, Josef Arimateakoa, Petri, Maria Magdalena, lapurrak, Jerusalemgo herritarrak. Gurutzeak 100 kilo inguru ditu. Jantziak herrian bertan prestatzen dira.

Egonaldiak

Ibilbidean, 700 metrotan, 14 egonaldi egiten dira:

Lekua	Egonaldi
Foruen plaza	Jesusek heriotza zigorra jasotzen du
Felipe Arin kalea	Jesusek gurutzearekin Jesus lehenengo aldiz erori da
Plaza Berria	Jesusen eta bere Amaren arteko topaketa
Bakearen kalea	Jesus zirineo batek laguntzen du Veronikak Jesusen aurpegia xukatzen du
Berdura kalea	Jesus bigarren aldiz erori da
Kale Nagusia	Jesusek Jerusalemgo alabei hitz egiten die Jesus hirugarren aldiz erori da
Lope Del Val jeneralaren plaza	Jesus biluztua Jesus gurutzatua Jesusen heriotza Gurutzetik jaistea Jesus hilobiratua

Antzezpena bukatu ondoren

Egun horretan bertan, arratsaldez, Hileta Santuaren prozesioa egiten da, herritarrek gainean eramaten dituzten hainbat irudi erlijioso kalera ateraz. Irudi hauetako batzuk, gurutzefinkatzearena esaterako XVI. mendekoak dira. Azkenik, Berpizkundeko igandean, Topaketaren prozesioa antolatzen da, Jesusen piztuera ospatzeko.

Kanpo estekak

• 2017ko antzezpenaren bideoa You Tuben.

• Datuak: Q111635401
• Multimedia: Passion plays in Andosilla / Q111635401