Petri (apostolua)

Wikipedia(e)tik
Hona jauzi: nabigazioa, Bilatu
Petri (apostolua)
Saint Peter A33446.jpg
Apostolu


1. Aita santu

33 - 67
← baliorik ez - Lino
Antiokiako patriarka

37 - 54
← baliorik ez - Evodius
Bizitza
Jaiotza Bethsaida, 1 inguru
Herrialdea  Siria
Bizilekua Jerusalem
Antioch
Erroma
Kfar Nahum
Heriotza Erroma, 64 eta 68 artean
Hobiratze lekua San Petri basilika
Heriotza modua heriotza zigorra (Gurutziltzaketa)
Familia
Ezkontidea(k) wife of St. Peter
Anai-arrebak
Familia
Irakaslea(k) historical Jesus
Lanbidea
Lanbidea apaiza eta apezpikua
Lantokia(k) Erroma
Santutegia
Ekainaren 29
Sinesmenak
Erlijioa kristautasuna

Petri[1] (asiriera klasikoz: ܫܸܡܥܘܿܢ ܟܹ݁ܐܦ݂ܵܐ‎, Shemayon Keppa, arabieraz: شمعون الصفا‎, Shamaon Safa, hebreeraz: שמעון בר יונה‎ Shim'on bar Yona, antzinako grezieraz: ΠέτροςPetros, latinez: Petrus; Betsaida, c.1 - Erroma, 64 eta 68 artean) Jesusek hautatutako hamabi apostoluetako bat zen. Bere bizitzaren gainean ezagutzen duguna Itun Berrian eta Apostoluen Eginetan agertzen da. Iturri horien arabera, Galileako arrantzalea izan zen, Jesusek buru izateko papera eman ziona (Mateo 16:18; Joan 21:15–16). Elizako aurreko urteetako askok, San Ireneok kasu, apostoluen arteko nagusitasun honen alde egiten zuten.

Erromako Eliza Katoliko, Eliza Ortodoxo eta Eliza Anglikanoaren ustetan, Simon Petri santua da, eta Erroman Elizako sorrerarekin lotzen dute, nahiz eta egungo kristautasunean honen garrantzia eta Aita Santuaren nagusitasuna zehazterakoan bat ez etorri. Batzuek argudiatzen dute bere nagusitasuna ohorezkoa baino ez zela, hau da, berdinen artean burua. Batzuen irudikoz, nagusitasun hori ez zen ondorengoei igarotzekoa. Oro har, protestanteek ez diote santu titulua ematen.

Erromatar Martirologiak ekainaren 29a ezartzen du San Petri eta San Pauloren festarako, egun hori bere heriotzen urteurrena dela baieztatu gabe. Aditu batzuen ustez, San Petriren heriotzaren data 64ko urriaren 13a izan liteke. Usadio kristauan erromatar agintariek gurutzatuta hiltzera zigortu zutela iritzi dute. Usadio honen arabera, hankaz gora gurutzatu zuten San Petri, Jesus bezala ez hiltzearren. Halaber, heriotzaren tokia egungo San Petri basilikako aldare nagusian kokatzen da, usadio beraren aburuz. Artean, zeruko erresumako giltzak eskuetan zituela irudikatzen da San Petri, eta, katolikoek horretan Elizaren gaineko nagusitasuna ikusten dute.

Izena[aldatu | aldatu iturburu kodea]

Sakontzeko, irakurri: «Petri»

Simon "Keipha" Ben-Yonah/Bar-Yonah, Simon Petri, Cephas edo Keipha izenekin ere ezagutzen da. Azken izen honetatik dator Sabin Aranak proposaturiko euskarazko Kepa.

Ikus, gainera[aldatu | aldatu iturburu kodea]

Erreferentziak[aldatu | aldatu iturburu kodea]

Wikimedia Commonsen badira fitxategi gehiago, gai hau dutenak: Petri (apostolua) Aldatu lotura Wikidatan