Andrés Salcedo
| Andrés Salcedo | |
|---|---|
 | |
| Bizitza | |
| Jaiotza | Barranquilla, 1940ko urriaren 2a |
| Herrialdea |  Kolonbia |
| Heriotza | Barranquilla, 2022ko urtarrilaren 7a (81 urte) |
| Jarduerak | |
| Jarduerak | Esataria eta kirol-kazetaria |
Andrés Salcedo González (Barranquilla , 1940ko urriaren 2a - Puerto Kolonbia , 2022ko urtarrilaren 7a) Kolonbiako esataria, berriemailea, idazlea, musikagilea, aurkezlea eta kirol-kazetaria izan zen.
Karrera
[aldatu | aldatu iturburu kodea]Hasieran
[aldatu | aldatu iturburu kodea]Barranquilla (Atlantiko) hirian jaio zen, 1940an. Santa Cruz de Mompox udalerrian hasi zuen bere ibilbidea irrati esatari gisa eta bere gaztaroan Valledupar hiriko Radio Guatapurí irrati ezaguneko zuzendari izatea lortu zuen, Medellíngo irratian esperientzia baten ostean. [1] New Yorkera bidaiatu ondoren, WADO irratian sartzeko eskaera egin zuen, 1960ko hamarkadaren amaieran Espainiara bidaiatzea erabaki zuen bere karrera zabaltzeko helburuarekin. [2]
Europako esperientzia
[aldatu | aldatu iturburu kodea]Espainiara heldu ondoren, lan txiki batzuk egin behar izan zituen itzultzaile, idazle eta zinema kritikari gisa. Handik gutxira, Iberiar herrialdean errekonozimendua lortzen hasi zen, eta 1969an Kronika Sari Nazionala lortu zuen El día en que nadie murió en la carretera lanagatik. Dagoeneko Espainian kokatuta zegoen, Radio Madrid irratiarekin profesionalki lotu zen esatari gisa eta bere ahotsa eman zuen hainbat irrati-nobeletan. [2] [3]
1970eko maiatzean Alemaniara joan zen esatari baten oporrak egiteko eta 22 urtez egon zen herrialde teutonikoan, Deutsche Welle eta TransTel enpresekin lanean. Hasiera batean Alemaniako kulturara egokitzea zaila izan bazen ere, denboraren poderioz hedabidean finkatu eta itzultzaile eta esatari lanetan aritu zen, Latinoamerikan errekonozimendua lortuz Bundesligaren eta beste kirol txapelketen kontaketekin, [4] batez ere, jokalarientzat asmatu zituen ezizen partikularrengatik. [5] Telematch entretenimendu saioan gaztelaniazko ahotsetako bat ere bihurtu zen. [2]
Itzulera eta azken urteak
[aldatu | aldatu iturburu kodea]Europan bere karrera amaitzean, Salcedok bere jaioterrira itzultzea erabaki zuen 1990eko hamarkadaren hasieran eta Bogotan finkatzea erabaki zuen, non telebistako albistegi bat eta kirol programa bat aurkeztu eta bere ahotsa iragarki, bideo eta dokumentaletan ipini zuen. 1999. urtean RTI Televisión programatzailearen "Fútbol RTI" saioan aritu zen. Handik denbora batera Barranquillara itzuli zen Telecaribeko ahots ofiziala izateko. Bere azken atsedenlekua Puerto Colombiako (Atlantiko) udalerria izan zen. [2] [6]
Heriotza
[aldatu | aldatu iturburu kodea]2022ko urtarrilaren 7an hil zen, Puerto Colombian, 81 urte zituela. [7]
Erreferentziak
[aldatu | aldatu iturburu kodea]- ↑ «Valledupar, tierra de amor» El Pilón 3 de abril de 2017.
- ↑ a b c d «Andrés Salcedo: maestro locutor» El Tiempo 22 de octubre de 2018.
- ↑ «Novela del destacado narrador de fútbol y escritor» Aips America 28 de noviembre de 2012.
- ↑ «Andrés Salcedo: Los comentaristas abusan» Revista Semana.
- ↑ «Grandes apodos de Andrés Salcedo de las transmisiones de la Bundesliga por la Cadena 3» La Monserga del Fútbol 16 de marzo de 2017.
- ↑ «Homenaje a Andrés Salcedo en Puerto Colombia» Cápsulas 11 de junio de 2017.
- ↑ Molina, Luz Élida. (2022-01-07). «Luto en el periodismo deportivo por la muerte de Andrés Salcedo» El Colombiano.
Kanpo estekak
[aldatu | aldatu iturburu kodea]| Autoritate kontrola |
|
|---|
Datuak: Q98077432