Edukira joan

Ane Garmendia Irastorza

Aldatu loturak
Wikipedia, Entziklopedia askea
(«Ane Gamendia» orritik birbideratua)
Ane Garmendia Irastorza

Bizitza
JaiotzaOiartzun, 2005eko abuztuaren 9a (18 urte)
Herrialdea Gipuzkoa, Euskal Herria
BizilekuaOiartzun
Hezkuntza
Hizkuntzakeuskara
gaztelania
ingelesa
Jarduerak
Jarduerakaktorea
Instagram: anegarmeendia Edit the value on Wikidata

Ane Garmendia (Oiartzun, Gizpuzkoa, 2005eko abuztuaren 9a) euskal aktorea da.[1]

Biografia[aldatu | aldatu iturburu kodea]

Oiartzungo Lezoti baserrian jaioa da. Haurtzaro ikastolan burutu zituen oinarrizko ikasketak eta Oiartzo Ikastola (BHI)n, Osasun Zientzien batxilergoa, Biologia eta Kimika.

Txikitatik izan da kirol zalea. Esku-pilotan nahiz futbolean, bietan aritu da, ikastolako mutilen artean neska bakarra izanik ere. Hamaika urterekin hasi zen futbolean jokatzen eta Oiartzun Kirol Elkarteko nesken futbol taldeko jokalaria izan da 2016-2022 bitarte.

Bere izena famatu bilakatu da Irabazi Arte telesailean agertzen delako.[2] Bertan eman ditu 1, 2, 3 eta 4. denboraldiak. 15 urterekin hasi zen aktore lanetan[3] eta “Itsaso”ren pertsonaia interpretatzen du. Aktore lana unibertsitateko ikasketekin partekatzen du.

2021ean Donostiako Zinemaldia egon zen Irabazi Arte aurkezten, eta 2022an, Sua Enparantza, Nahia Sillero, Ainhoa Azpitarte eta Ane Iturraterekin batera Cima Saria jaso zuten FesTVal Sarietan.[4]

2023an ETB2ko Gabon gauak programako "Ene!flix" esketx saio berezian parte hartu zuen.[5]

Beste zaletasun eta lanbideak[aldatu | aldatu iturburu kodea]

12 urterekin 37. Lexoti bertso txapelketa-ko irabazlea izan zen.

Oiartzungo Prosa eta Poesia lehiaketa-ko lehenengo sariak jaso ditu bost urtez jarraian eta aipamen berezia seigarrenean:

  • 2017. Egia islatzen zuen ispilua.[6]
  • 2018. Iraganeko argazkia.[7]
  • 2019. Nire zapi kuttuna.[8]
  • 2020. Desioak.[9]
  • 2021. Erabakiak.[10]
  • 2022. Aipamen berezia: Bi mundu.[11]

Eskola Kirolako monitore lana[aldatu | aldatu iturburu kodea]

  • Haurtzaro Ikastolan 2002-23 ikasturtean.
  • Intxaurrondo Hegoa ikastetxean 2023-2024 ikasturtean.

Erreferentziak[aldatu | aldatu iturburu kodea]

  1. ↑ «Ane Garmendia: 'Irabazi arte' telesailean antzezteak lotsa kendu dit eta heldutasun puntu bat eman ere bai» EITB 2021-10-21 (Noiz kontsultatua: 2023-11-07).
  2. ↑ (Gaztelaniaz) «Ane Garmendia» FilmAffinity (Noiz kontsultatua: 2024-06-16).
  3. ↑ Erik, Gartzia(e)ko. (2022-02-25). «Ane Garmendia: "Horrelako telesailak beharrezkoak dira, gauzak aldatzeko"» Oarsoaldeko Hitza (Noiz kontsultatua: 2024-06-16).
  4. ↑ «"Irabazi Arte!" telesailak 2022ko CIMA TV FesTVal Berdintasun saria irabazi du» EITB 2022-07-27 (Noiz kontsultatua: 2024-06-16).
  5. ↑ «Umorea, Gabon gaueko protagonista ETB2n» EITB 2023-12-22 (Noiz kontsultatua: 2024-06-16).
  6. ↑ (Ingelesez) «20180424 prosa poesia 2017 osoa by Oiartzungo Udala - Issuu» issuu.com 2018-05-25 (Noiz kontsultatua: 2024-06-16).
  7. ↑ (Ingelesez) «Prosa eta Poesia 2018 by Oiartzungo Udala - Issuu» issuu.com 2019-04-12 (Noiz kontsultatua: 2024-06-16).
  8. ↑ (Ingelesez) «Xabier Lete XXXII. Prosa eta Poesia lehiaketako liburuxka by Oiartzungo Udala - Issuu» issuu.com 2020-09-16 (Noiz kontsultatua: 2024-06-16).
  9. ↑ Erik, Gartzia(e)ko. (2020-12-04). «[Galeria Hauts hartatik sortu dira idazle gazteak, eta saria dute»] Oarsoaldeko Hitza (Noiz kontsultatua: 2024-06-16).
  10. ↑ «Oiartzungo Udala» www.oiartzun.eus (Noiz kontsultatua: 2024-06-16).
  11. ↑ «Oiartzungo Udala» www.oiartzun.eus (Noiz kontsultatua: 2024-06-16).

Kanpo estekak[aldatu | aldatu iturburu kodea]

"https://eu.wikipedia.org/w/index.php?title=Ane_Garmendia_Irastorza&oldid=9822766"(e)tik eskuratuta