Anestesia (medikuntza)

Wikipedia(e)tik
Hona jo: nabigazioa, Bilatu
Ohar medikoa
Oharra: Wikipediak ez du mediku aholkurik ematen. Tratamendua behar duzula uste baduzu, jo ezazu sendagilearengana.
Anestesiaren ondoren esnatzeko prozesuan dagoen pertsona

Anestesia pertzepzioa blokeatzeko teknika da, mina kentzea barne, eta kirurgia-ebakuntzak egin baino lehen erabiltzen da (dena den, gaur egun erditze-unerako ere askotan erabiltzen da anestesia –epidurala–, Mendebaldeko gizartean batik bat). Teknika-mota handi bi bereizten dira, oro har: alde batetik tokiko anestesia edo gorputzaren leku jakin batean ezartzen dena, eta bestetik anestesia orokorra edo pertzepzioa erabat ezabatzen duena behin-behinean.

Aldi batekoa edo kronikoa izan daiteke; elementu berezi baten bidez edo gaitz baten ondorioz sortzen da anestesia. Ebakuntzetan erabili ohi dira anestesia sortzeko asmatu diren konposatu kimiko artifizialak. Bi eratakoak izaten dira: nerbio-sistema zentralean eragiten duena, anestesia orokorra, eta sentiberatasunaren berri hartzen duten nerbioetan eragiten duena, gorputzaren atal bateko anestesia. Lehen motakoak gorputz osoan eragiten du, eta oharmena ere galdu egiten da. Bi eratako anestesia orokorrak erabiltzen dira: usaindu egiten dira batzuk, eta ziztatu, berriz, besteak. Lau aldi bereizten dira era horretako anestesiak erabiliz gero: lehenik, minarekiko sentiberatasuna galtzen da; bigarrenik, ameskeriak sorrarazten ditu; hirugarrenik, loa ekartzen du, eta minarekiko sentiberatasuna kendu; eta, azkenik, gelditu egiten du arnasketa ere.

Gorputzaren atal bateko anestesian, aldiz, ez da oharmena galtzen. Era horretako anestesiaren barruan, hainbat mota daude, anestesian erabiltzen den substantziaren eta haren erabileraren arabera. Antzina kokaina erabiltzen hasi ziren anestesiko lokal moduan, baina, arriskutsua denez, baztertuta geratu da, eta beste substantzia batzuen bidez lortu dira anestesiko sintetikoak; adibidez, nobokaina. Anestesian espezialista direnek erabakitzen dute une bakoitzean zer motatako anestesia den komenigarria.

Ikus, gainera[aldatu | aldatu iturburu kodea]

Commonsen badira fitxategi gehiago, gai hau dutenak: Anestesia (medikuntza) Aldatu lotura Wikidatan


Medikuntza Artikulu hau medikuntzari buruzko zirriborroa da. Wikipedia lagun dezakezu edukia osatuz.

Erreferentziak[aldatu | aldatu iturburu kodea]