Ankiloglosia

Wikipedia, Entziklopedia askea
Hona jauzi: nabigazioa, Bilatu
Ohar medikoa
Oharra: Wikipediak ez du mediku aholkurik ematen. Tratamendua behar duzula uste baduzu, jo ezazu sendagilearengana.
Ankiloglosia
Frenulum linguae.jpg
Deskribapena
Mota tongue disease
Espezialitatea medikuntza genetiko
Identifikatzaileak
GNS-10 Q38.1
GNS-9 750.0
OMIM 106280
DiseasesDB 33478
MedlinePlus 001640
eMedicine 001640
MeSH D021081C562396 eta D000072676
Disease Ontology ID DOID:0060604

Ankiloglosia edo mihipeko galgatxo motza mihi-galgatxoa motza izatearen ondorioz, mingainaren berezko mugimendua mugatu eta behar beste luzatzen uzten ez diola-eta sortzen den anomalia da[1].

Galgatxoak eta euren anomaliak[aldatu | aldatu iturburu kodea]

Organo bat gorputzeko berezko lekutik gehiegi ez aldentzea ekiditen duten tolestura txikiak dira galgatxoak. Ahoan dauden mintzak dira. Hiru dira eta motzak baldin badira, ondorioak ekar ditzakete. Goiko eta beheko ezpainetatik hortzoietara iristen direnak eta mihi-hari edo mihipeko galgatxoa bereiz daitezke ahoan. Behekoa da arazorik ematen ez duen bakarra. Goikoaren eraketa desegokia bada, adibidez, erdiko hortzak banantzea ekar dezake eta hozkatzeko moduan eragin. Mihipeko galgatxoa da, ordea, arazo gehien ematen dituena[1].

Diagnosia[aldatu | aldatu iturburu kodea]

Jaioberritatik jakin daiteke galgatxoaren tamaina motza ote den. Ordutik hasiko dira kalteak. Amaren bularrera heltzeko zailtasunak, kolikoak eta gehiegizko gasak eragin ahal dizkio, esne kopuru gutxi hartzeaz gain. Amari ere titiburuak mindu eta zauritu dakizkioke[1].

Mihiaren mugimendua begiratu behar da: ezpainetatik kanpora irteten ote den, ahoa irekita egonik ahosabaira iristen ote den, deformatu gabe alde batetik bestera mugitzen ote den, etab. Behin logopedak diagnosia eginda, otorrinolaringoloarengana bideratuko du kasua eta honek galgatxo motzak kalterik egingo dion ala ez esango du[1].

Eraginak[aldatu | aldatu iturburu kodea]

Era berean, hortzen itxiera eta ahoskera desegokiak ekar ditzake. Hortzak ateratzen direnean, banatuta edo pilatuta izateko gakoetako bat izango da ahosabaiaren eraketa. Gerora aparatu beharra antzemango da; halaber, denborarekin dislalia eta hainbat hizkiren ahoskera desegokiak eragingo ditu[1].

Konponbidea[aldatu | aldatu iturburu kodea]

Har daitekeen konponbideetako bat galgatxoa moztea da, baina eztabaida pizten du batzuetan. Mediku batzuek diote lehenbailehen moztea hobe dela arazo horiek guztiak saihestuko direlako. Gainera, ebakuntza erraza denez, txiki-txikitan haurra lokartu beharrik ez dago. Txiki-txikitan mozten bada ez da ebakuntza, oso erraza da. Eragozpenak ekarriko badizkio, dudarik gabe jaio eta berehala moztu dakioke. Ondo moztuta badago, ez du ondorio negatiborik. Horretarako, lehenik, eragin dezakeen kaltea baloratzea ezinbestekoa da[1].

Erreferentziak[aldatu | aldatu iturburu kodea]

  1. a b c d e f   Mariezkurrena, Ainhoa (2017ko abenduaren 17a), «Mihi-hariaren eragina ahoan eta ahoskeran», Argia, http://www.argia.eus/argia-astekaria/2579/ankiloglosiaCC-BY-SA lizentzia .