Astrain

Astrain Asterain
Euskal Herria
Kokapena
Herrialdea	Nafarroa
Udalerria	Zizur zendea
Posta kodea	31190
Herritarra	astraindar
Geografia
Koordenatuak	42°45′24″N 1°44′26″W
Garaiera	526 m
Demografia
Biztanleria	330 (2020)

Asterain 20-12-15

Asterain 20-12-15

Astrain edo Asterain Nafarroa Garaiko erdialdean dagoen Zizur Zendea udalerriko kontzeju bat da. 2007an 335 biztanle zituen.

Toponimia

XII. mendean, Azterain edo Azterayn izenarekin agertzen da, eta izen hori Aro Modernora arte mantendu zen, Astrain (1534) forma lehen aldiz erregistratu zenean. Forma hori pixkanaka zabaltzen joan zen, eta xix. mendean nagusitu zen, 1802an erregistratutako « Astrain (antes Azterain) » aipuak erakusten duen bezala. Mikel Belaskoren ustez, Azter (izena) + -ain (tasuna adierazten duen atzizkia) hitzeetatik dator eta Gaskoiniako Astarac izenaren parekoa litzateke.

Asterain > Astrain izandako bilakaera Geretz > Grez izengoarekin pareka daiteke. Gertatzen da, izan ere, erdal hiztuna gai da silaba berean kontsonante indartsu bat baino gehiago ahoskatzeko, euskaldun elebakarrari kontrajarriz, ez baitago halako soinuetara ohituta. Giri < giristino < kristino hitza sortzen den modu berekoa da, soldadu karlistek oker ahoskatua.

XX. mendetik aurrera, ofiziala da Astrain forma, gaztelaniaz bakarrik, nahiz eta eremu mistoan egon eta, beraz, gaztelaniazko eta euskarazko toponimo elebiduna egokitu. Kontzejuak, ordea, Asterain forma hartzen du bere eskumeneko komunikazio eta bide-errotulazio guztietan.

Demografia eta biztanleria

Astraingo biztanleria

2000	2001	2002	2003	2004	2005	2006	2007
250	273	282	294	302	313	318	335

Ekonomia

Kontzejuaren hegoaldean, Erreniega mendilerroan, EHN enpresak eraikitako parke eolikoa dago. Instalaturiko potentzia 20,30 megawattekoa da. Parkearen jabea Acciona da gaur egun.

Kanpo estekak

• Datuak: Q8207617
• Multimedia: Astráin / Q8207617