Atristain baserria

Wikipedia, Entziklopedia askea
Atristain baserria
Logotipo del Gobierno Vasco.svg Eraikitako euskal ondasun nabarmena
Kokapena
Herrialdea  Euskal Herria
Probintzia  Gipuzkoa
Udalerria Aizarnazabal
Koordenatuak 43° 16′ 01″ N, 2° 13′ 45″ W / 43.266866°N,2.229102°W / 43.266866; -2.229102Koordenatuak: 43° 16′ 01″ N, 2° 13′ 45″ W / 43.266866°N,2.229102°W / 43.266866; -2.229102
Historia eta erabilera
EraikuntzaXVIII. mendea -
Ondarea
EJren ondarea 5

Atristain Aizarnazabalen dagoen baserria da, muino batean kokatuta 135 metroko kotan. Atristain, XVI. mendeko hormaz gain, oso-osorik XVIII. mendeko eraikina da; garai horretakoa da eraikuntza-kalitate handiko, ondo zaindutako eta landa-eremuko baserri-jauregitxo estiloaren ordezkari den landa-etxe hau.

2008ko urtarrilaren 14an, Eusko Jaurlaritzak monumentu izendatu zuen, Sailkatutako Kultura Ondasuna.

Ezaugarriak[aldatu | aldatu iturburu kodea]

Bi bizitzako baserria, oinplano laukizuzenekoa, 25x20 metrokoa. Behe solairua, lehen solairua eta ganbara ditu. Estalkia lau isurikoa da, hodi-teiladuna, eta gailurra hego-ekialdera begira dagoen fatxadarekin luzetara.

Itxiturako harresiak harlangaitzezkoak dira, entokatuak eta margotuak; eta ertzetan, platabandetan eta hego-ekialdera begira dagoen fatxada nagusiko behe solairuan harlandua dago. Fatxadetako ia bao guztiak harriz inguratuta daude. Hego-ekialdera ematen duen fatxada nagusian ezkaratz nagusia dago, erdi puntuko hiru arku ditu, inpostetan bermatuta.

Arku nagusiaren gainean, erdi-erdian, balkoi txiki bat ageri da, eta, harrizko ateburu horren gainean, armarria du. Halaber, harrizko bi inposta ditu fatxadak, alderik alde; bata, lehen solairuko forjatuaren kotara; eta, bestea, armarriaren parean.

Hego-ekialdeko sarbideaz gain, han dagoen etxebizitzarako dena, eraikinak baditu beste sarbide batzuk. Behe solairuan, ipar-mendebaldeko sarbidea; eta bi plano inklinatu, lehen solairura zuzenean sartzeko. Bi sarbide horiek eraikinaren alde horretan dagoen etxebizitzarako dira.

Ipar-ekialdeko fatxadak sei metroko zabalera duen eranskin bat du; egikera errustikoa eta nahiko zaharra da, baina gainerako eraikina baino geroago egina da. Bertan, komunak daude.

Hego-mendebaldeko fatxadak, lehen aipatutako arrapalez gain, bloke zarpeatu bat du erantsita alderik mendebaldeenean, eta hormigoizko lauza bat arrapalen artean, garajetzat erabiltzen dena.

Barrualdea[aldatu | aldatu iturburu kodea]

Eranskinaren barrualdea sekzio handiko zurezkoa da zureria guztian: pilareak, habeak eta solibak. Atal bakarreko zutoin-ardatz handiak eta urkilak ditu zutikoen gainean, ganbararen oinean. Mentsulak, frisoak eta laukiak ere sekzio handikoak dira, eta horietako asko landuak ageri dira.

Ipar-mendebaldeko etxebizitzak zeharkako karga-horma du, hemen bertan zegoen XVI. mendeko eraikinarena. Mende bereko eskailera bat ere badago harresi horretan bertan.

Erreferentziak[aldatu | aldatu iturburu kodea]

Kanpo estekak[aldatu | aldatu iturburu kodea]