Aragoi Beherea

Aragoi Beherea
Aragoi Beherea
Mota	eskualde natural
Geografia
Koordenatuak	41°25′N 0°07′W / 41.42°N 0.12°W

Aragoi Beherea (gaztelaniaz: Bajo Aragón; aragoieraz: Baixo Aragón; katalanez: Baix Aragó) Aragoiko eskualde historikoa da, bere barnean Bajo Aragón, Bajo Martín, Andorra-Sierra de Arcos, Bajo Aragón-Caspe, Matarraña eta Ribera Baja del Ebro eskualdeak hartzen dituena, baita beste eskualde batzuetako udalerri batzuk ere (Maestrazgo, Campo de Belchite, Bajo Cinca y Cuencas Mineras). Aragoi Behereko jentilizioa bajoaragoniarra da.

Gaur egun, Aragoi Behere Historikoa ere deitzen zaio lurralde honi, ofizialki Aragoi Beherea deritzon eskualde administratibotik bereizteko, 1999tik existitzen dena eta askoz hedadura txikiagoa duena. Iritzi desberdinak daude Aragoi Behere Historikoko zein herrietakoak diren edo ez diren gaiaren inguruan; izan ere, azken horrek ez du inoiz entitate politiko edo administratiborik eratu, baina horrek ez du eragozten eskualde gisa argi eta garbi identifikatuta egotea, ez bertako biztanleek, ez inguruko eskualdeetakoek.^[1] Historiako zenbait unetan, Aragoiko laugarren probintzia osatzea planteatu zen, Alcañizen hiriburua izanik, lurralde honetako udalerriek Teruelekin historikoki izan duten harreman txikia dela eta, lurralde honetako azalera eta populazio gehiena hartzen duen probintziarekin hain zuzen ere.