Barne-muinetan

Wikipedia, Entziklopedia askea
Jump to navigation Jump to search
Barne-muinetan
Barne-muinetan.jpg
Liburuko azala
Datuak
Argitaratze-data 1934
Generoa Poesia
Jatorrizko izenburua Barne-muinetan
Hizkuntza Euskara
Herrialdea Euskal Herria
Orrialdeak 147 orr.

Barne-muinetan 1934. urtean argitaratutako lana da. Kristautasunaren goraipamena egiten duen poema-bilduma da. Obra hau da Orixe eta Lizardiren arteko adiskidetasun estuaren lekukotasunik adierazgarriena. Izan ere, laneko lehen poema, Opariz[1], hil berri zen Lizardiri eskaini zion Orixek. Poeta zarauztarra Barne-muinetan argitara eman baino urtebete lehenago hil zen, 1933.urtean hain zuzen ere. Gainera, hitzaurrean, Orixek Lizardiri eskaintzen dio lana, hura izan baitzuen Orixek lana ontzeko akuilu nagusi. Lehen argitalpenean, euskarazkoarekin batera, gaztelerazko itzulpena eman zuen idazleak.

Lanaren edukiari dagokionez, Orixek mintzagai bakarra darabil: Jainkoa. Orixek Jainkoari hitz egiten dio eta haren zerbitzari dela aitortzen du. Jainkoarenganako sinesmen horretan sakontzen du poemaz poema. Azken batez, poetak Jainkoa du sormen-iturri nagusia. Horrez gain, fede kristauaren parte diren hainbat bereizgarriri eta errituri tartea zabaltzen die: bataio, otoitz, elizkizun, ebanjelio etab.i, esate baterako. Bestalde, arreta handiz erreparatu zion metrikari. Neurkera bideratzeko, Sabino Aranaren Lecciones de Ortografía del Euskera Bizkaino (1896) liburuko arauak hartu zituen zimendutzat.

Azken finean, Jainkoa eta kristautasuna oinarri dituen lana da Barne-muinetan.

Bibliografia[aldatu | aldatu iturburu kodea]

  • RETOLAZA, I.: “Euskal Literaturaren Hiztegia – Idazlanak. Barne-Muinetan (1934) Nikolas Ormaetxea Orixe”, EHUko Euskal Literaturaren Hiztegian, 2015ko ekainaren 3an jasoa http://www.ehu.es/ehg/literatura/?p=125

Erreferentziak[aldatu | aldatu iturburu kodea]

Kanpo estekak[aldatu | aldatu iturburu kodea]