Nazcako plaka

Plaka tektonikoen mapa. Nazcako erdialdean ikus daiteke, urdin argi kolorez margotua.

Nazca Plaka ozeanoko plaka tektoniko bat da. Ozeano Barearen ekialdean aurkitzen da, Hego Amerikako mendebaldeko kostaldearen ondoan.

Plakaren ekialdeko ertza, Hego Amerikar Plakapeko subdukzio gune batetan aurkitzen da, honek, Andeak eta Peru-Txileko fosa sorrarazi dituelarik.

Nazca Plakaren hegoaldeko ertza, banatzailea da Antarktikako Plakarekiko, mendebaldekoa Pazifiko Plakarekiko bezala eta iparraldekoa Cocos Plakarekiko bezala.

Hiru mikroplaka daude, zehazki, plaken arteko elkartze guneetan. Galapago uharteetakoa, Nazca, Pazifiko eta Cocos plaken arteko elkartze gunean aurkitzen da Juan Fernandez uhartedikoa, Pazifiko, Antarktika eta Nazca plaken artean, eta, Pazko uhartekoa, Nazca eta Pazifiko plaken arteko elkartze gunean, Juan Fernandezena baino iparralderago.

Hegoamerikar kostaldetan aurkitzen den subdukzio guneak, inguru hau biziki sismiko eta bolkanikoa izatea eragin du. Nabarmendu beharrekoa da Valdiviako 1960ko lurrikara, Richter eskalan, 9,5eko magnitudea gainditu zuena, gizateriaren historian erregistratutako indartsuena.